شـيـعـتـك  تـدريـنـه....... من فضل بارينه وعـلـى فـطـرتـنـه....... عـلـت  صيحتنه وبـسـمـك  تـسـمـينه ...... من فضل  بارينه صـيـحتنه  يا  سر الإله المكنون ...... واسع  مداها يالمعجزاتك  روعت گلب الكون ...... يرهب  صداها إنته  ومحمد مثل موسى وهارون ...... شمس وضحاها وانـشـرت  رايـتـنـه..... وعـيـنـت  قبلتنه وشـرف تـعـيـيـنـك .... جـهـدك  الدينك وصـدقـت  هـاديـنـه .... مـن فـضل  بارينه إنـت ومحمد من فرد نور وروح ..... شاءت  الحكمه خـاواكم  الخاوى القلم ويا اللوح ..... رحمته  ونعمه الـرحـمه محمد وإنت يا نعمة نوح .... عالشرك نقمه الـديـنـك  ويـانـه.... سـجـلـت  عـنوانه بـشـفـرة  الـصـارم  ..... وبـالـنـصر  غانم خـلـدت مـاضـيـنـه ...... مـن فضل  بارينه تـذكـر  الآيـه لفت الساق بساق.... يوم  المحاسب وتـحـضـر سلاسل نار يردوها وثاق.... للما تأدب وإحنه  على حبك بالعمل عالميثاق .... يكفينه مكسب وغـانـمـه  مـكـسـبـنه ...... حبك  الجاذبنه هـواك شـاغـفـنـه ... و بـيـه  تـشـرفـنه وهـالـشـرف يـكـفـيـنه .... من فضل بارينه وعلى الصراط الناس كلها برجواك ..... ترجى العداله وما  يجزي غير البيده صط من يمناك ..... يمشي  بجلاله يـالصاحبت  سيد البشر صاحبناك ..... بسم  الرساله الچانـو  يـلـومـونـه  ..... خـلـهم  يشوفونه بـروضـة الـجـنـه ..... شـلـون نـتـهـنه وبـالـحـلـل چاسـيـنـه ..... من فضل بارينه ويـوم  اليعض الظالم إيده ويگول ..... إرجعني  يارب يـنـاديه  يالچنت  بحياتك مجهول ..... لجهنم  إذهب وإحـنه بولاكم يا وصي المرسول ....... عزنه يترتب ونـسـرع بـمـسـرانـه ...... لـلخلد  وجنانه هـنـاك عـزتـنـه .... هـنـاك  نـعـمـتـنه وفـضـلـك يـراعـيـنـه ..... من فضل  بارينه ويـوم الـعـبـوس القنطرير المعلوم ... تحير  بنجاها أهـل الـوجوه الخاشعه الچانت دوم .... تتبع  هواها ومـن الـوجوه الناعمه البيها رسوم ... جوهر  ولاها بـالـوجـه سـيـمـانـه... وعـيـنك  الترعانه وبـقـلـم حـكـمـه .... بـدفـتـر  الـرحمه يـاعـلـي  مـسـجـلـينه ..... من فضل بارينه