هـالـلـيـلـه  يـا وادي الـطـفوف ...... جيت اسأل بحزن  وشوف ويـن الـقـمـر ويـن الـجـفـوف ...... ويـن الـجسوم  الداميات رديـنـه يـالوادي.. دمع الجفن حادي.. والعائلة اتنادي .. وين الاهل  وين عـلى  الغبره عفناهم .. رحنا وتركناهم .. تتفايض دمائهم .. وخطفهم  البين هـالـلـيـلـة رديـنا .. لهشوم اهالينا .. منهو اليدلينا .. عن جثة  حسين راعـي العلم وينه .. ما شفنا جفينه .. من رحنا خلينه .. على الشاطي  جفين دلـيـنـه يـا وادي الـثـبـور .... ويـن الـمـصـارع والـنـحور ويــن الـشـمـس والـبـدور ... ويـن الـنـجـوم  الـزاهـرات يـا  الوادي  تدرينه .. لقاعك تعنينه .. وبيا وضع جينه .. بس عايلة  واطفال هاي  أنا  بنت حيدر .. دلالي يتوجر .. يا الوادي ما اقدر .. اشرح لك  الحال عـفـت الـجثث بالبر .. وتكفلت خدر .. تاليها اتيسر .. ما مر على البال عـن أهـلـي بـعدوني .. مسبية مشوني .. عدواني خلوني .. اتحمل  اهوال تـدريـنـي يـا وادي الـمـصـاب ...... مـن هالنوايب راسي  شاب لا مـاشـفـت جـور وعـذاب ...... وبـقـلـبـي جـمـر النايبات يـنـزف دمع عيني .. عدواني سابيني .. وبقلبي راميني .. من الشامت  اسهام بالشهقة والدمعه .. عفت الاهل صرعه .. ناعي الأجل ينعه .. عالغبره  اجسام مـرمـيـه والـقـانـي .. وآنه ويعدواني .. لندهري خلاني .. اتحمل آلام مـسـبـيـه  وداني .. جم لوعه راواني .. وبجوره مشاني .. للكوفه والشام عـفـت الـجـثـث فـوق الـرمـال ...... والـمـا يـمر حتى بخيال عـقـب الـخـدر عـقـب الـدلال ...... مـسبية وامشي ويا  الطغاة عـقـب  الاهـل  تـالي .. لاني بلا والي .. محتارة بعيالي .. هذا الذي صار يـوم الـلـي يسروني .. هالليلة جابوني .. من قلبي وعيوني .. تتنازف  اعبار لـمـا وصل رحلي .. ظل الدمع يغلي .. وتذكرت اهلي .. وخيامي  والنار واذكـر  هضم حالي .. من سلبوا اطفالي .. تتراكض قبالي .. لا خيمة لا  دار كـلـمـا دمـع عـيـنـي يـسـيـل ...... يـذكرني بجفوف الكفيل أنـسـه  كـفـيـلـي  مـسـتـحـيـل ...... من بعده مليت  الحياة قلبي نفذ صبره .. جيت امشي على الجمره .. اتوجب العبره .. تحملني لجروح انشد على العتره .. على من قطع نحره .. من هشموا صدره .. خليته  مذبوح يـوم  لعفت  جسمه .. متخضب بدمه .. وآنه تركت يمه .. هالمهجه والروح يـا  الـوادي حـاجـيني .. عن قبره دليني .. لا لا تخليني .. مخنوقه بالنوح حـاجـيـنـي يـا وادي الـنـحـيـب ...... مـنهو لحفر قبر الغريب مـنـهـوا  لـدفـن جـسـمـه الخضيب ...... فيض الدموم  الجاريات لهفه قلب هايم .. صحت بدمع ساجم .. ضيعة قمر هاشم .. مني الامل  ضاع يـوم  الذي عفته .. على المشرعه تركته .. بعيوني ما شفته .. بس الخبر  شاع قـالـولي  على  الغبره .. أوصاله متوذره .. وتحيرت بأمره .. عفته بلا وداع عـلـى الشاطي خليته .. وبصوتي ناديته .. دلالي يا ريته .. توذر على  القاع مـا ودعـت جـسـمـه الـصـريـع ...... لا شـاهدت جفه  القطيع لا لـوعـة مـصـابـه الـفـضـيـع ...... خـلانـي اتـمنى الممات يـا  الـوادي خـبـرني .. منهو الصبرني .. ترابك يذكرني .. موت  الميامين وأذكـر عرس جاسم .. عليي الاجل هايم .. دالي العرس نايم .. بين  المضاعين ولاكـبـر  بـكـتـره .. وبهامته الطبره .. والجثه متعفره .. وسط الميادين مـهـما  كثر نوحي .. ما تغمد جروحي .. تتسجر بروحي .. نار الصواوين هـالـلـيـلـة  يـا وادي الـظـلام ...... دمـع الجفن اهدي  السلام دم اخـوتـي نـحـر الامـام ...... بـذيـج الـشـفـاه الـذابـلات