يا غريب الطفــــــــوف          شيعَّـــــتك السيــــــــوف

يا غــــــــريباً يا غـــريباً          يا غريب الطفــــــــوف

* * *

يحسين حكمة مصرعــك          هالحكمه ربانـــــــــــيه

دمك كتب فــوگ الأرض          محتوى الانسانــــــــيه

من دم وريـــدك وضحت          اهدافك القدســـــــــــيه

هالشهاده، عــــــن إراده          وعن معتقد مبـــــــنيه

حلَّ هـــــــول مخــــــوف          بين تلك الصفـــــــوف

يا غــــــــريباً يا غـــريباً          يا غريب الطفــــــــوف

* * *

يحسين ضحيت العـــــمر          من أجل امة جـــــــدك

اتحملت أبشع فاجـــــــعه          ونار المصيبة ابچبدك

ما من نصير ايناصــــرك          خلوك حاير وحــــــدك

والكتايب، بالحرايــــــــب          انجمعت ووگفت ضدك

أنت فــــــرد تطــــــــوف          والأعـــادي ألــــــــوف

يا غــــــــريباً يا غـــريباً          يا غريب الطفــــــــوف

* * *

اگبالك انصارك عــــالثره          اتشاهد جثثهم صرعه

وتشاهد جسوم اخــــوتك          فوگ الأرض متوزعه

دارت عليك الدايـــــــــره          خيل وزلم مجتمــــــعه

كلها ضدك، وانت وحدك          صوتك اليدوي انسمعه

حبف تلــــك الأنــــــــوف          قد سحقت الحـــــتوف

يا غــــــــريباً يا غـــريباً          يا غريب الطفــــــــوف

* * *

بكل الجوانــــــب حاطتك          خيل ورجال وعــــسكر

كثرة عدد مـــــــــا همتك          وگفتك وگفة حـــــــيدر

فوگ الغـرب نار العطش          تتـــــضارم وتتوجـــــر

تنطي دمك، مــــــا يهمك          للعزم گلبك مصـــــــدر

وجعلت الوقـــــــــــــوف          فوق جمر اللهـــــــوف

يا غــــــــريباً يا غـــريباً          يا غريب الطفــــــــوف

* * *

بنار الظمه ونــار الحرب          حيلك ضعف بالحـومه

حكمة المعبود اقتــــضت          نحرك تسيل ادمومــــه

ومصابك الهز العـــــرش          هاليوم أصبح يومــــه

هالفواجع، بالمدامــــــــع          متسجله ومرسومـــــه

لك قــــــلب عــــــــطوف          بالمعـــالي شغـــــــوف

يا غــــــــريباً يا غـــريباً          يا غريب الطفــــــــوف

* * *

من أجل اشرف كل هدف          قدمت زهرة عـــــمرك

اتچفنت من ذاري التـرب          واتغسلت من نحــــرك

بالسهم صابوا چـــــبدتك          والخيل داست صــدرك

هذا حالك، واشجـــــرالك          بالحومه غايب بـــدرك

واعــــــتراه الخســـــوف          من زمانٍ عـــــــسوف

يا غــــــــريباً يا غـــريباً          يا غريب الطفــــــــوف

* * *

من بعد گطعت منحــــرك          حرگوا الگوم اخــيامك

والحرم بالبر اطلـــــــعت          واتسلبت أيــــــــــتامك

خانتك يبن المصطــــــفه          وما رحمتك أيـــــــامك

والفجيعه، اعله الشريعه          عابت شمس أحـــلامك

لـــــــك دمــــــــعٌ ذروف          لقطـــــيع الكــــــــفوف

يا غــــــــريباً يا غـــريباً          يا غريب الطفــــــــوف

* * *