يبن أمي يا مظـــــــــــلوم          يمك رجعنه الــــــــيوم

عالغـــبره خليــــــــــــناك          ردينه ملگيــــــــــــناك

* * *

آنــــــــه العقيلة وبالحزن          گلبي اسعــــرت نيرانه

جـــــــيت وجبت هالعايله          وما واحــــــــد اتلگانه

يمــــك رجعنه من السبي          وراسك رجــــــع ويانه

أبنظرات عـــــــينه يلتفت          وأعله الگـــــــبر دلانه

رأسك رجعــــــــنه آويــاه          يم الجـــسد جبــــــــناه

صوت الدمــع نــــــــاداك          ردينه ملگيــــــــــــناك

* * *

بالنوح والهـــــــم والدمع          رحــــــنه مثل ما جينه

واليوم مـــــن ذاك اليسر          يم الأهــــــــــــل رديـنه

عالغبره عــــــفناكم جثث          واطلعنه يا واليــــــــنه

ولمن رجعــــــــنه لكربله          بس الگبور الگيــــــنه

عالغبره عــــــــفنه أبدور          جينه ولگينه اگـــــبور

چـان الأمــــل نلگــــــــاك          ردينه ملگيــــــــــــناك

* * *

بـــــس ما وصلت لكربله          وشفت الطفوف اگبالي

اتذكــــرت يوم اللي رجع          مهــرك بسرجه الخالي

واذكرت غــــــارات العده          واذكــرت سلب اعيالي

واذكرت عـالتل من رحت          اصرخ فگـــدنه الوالي

عالغبره جسمـــــــك طاح          والحــــــادي بينه راح

بهالحـــــاله فارگــــــــناك          ردينه ملگيــــــــــــناك

* * *

ابفجـــــرية الحادي عشر          لليسر مـــن ردت اطلع

ودعــــــتك وعفت الگلب          يمك بذاك المــــــصرع

ظنــــيت اعــــــود لكربله          واستلمه لمن أرجـــــع

ما شفت گلــبي ولا شفت          جسمك الچان امگــطع

عفت الگـــــــلب ومشيت          ما شفته من رديــــــت

گلبي اندفــــــــن ويـــــاك          ردينه ملگيــــــــــــناك

* * *

عفناك وبصدرك ســــــهم          صابك طلع من ظهرك

وعفناك مرمي بمصرعك          دمك يصب من نحــرك

ظنيت ارجع بالظعــــــــن          وردود عيني اتنـــظرك

ما چنت ادري ابرجعـــتي          الگاك خويه ابگـــبرك

شفت الجسد مفگــــــــود          بس الگبر موجـــــــود

بالدمعــــــه ودعــــــــناك          ردينه ملگيــــــــــــناك

* * *

يحســـــــين يا هم ينحمل          هم الحرم لو هــــــــمك

عـــــــيلتك من بعد اليسر          يبن أمي رجعـــت يمك

عافــــــــتك من يوم الذي          بالخيل سحگوا جسمك

ما عـــــدها عنك كل خبر          من يوم سفـــــكوا دمك

هاي الحـــــــــرم يحسين          صاحت ينــــــور العين

بذاك الوضــــــــع عـفناك          ردينه ملگيــــــــــــناك

* * *

يحسين هاي العــــــــايله          تعلم وتدري شبـــــــيها

مسبيه للشام اطلعــــــــت          جور الدهر سابــــــيها

هاليوم اجت واتــــوزعت          كل وحده يم والــــــيها

وكل وحده گعـدت يم گبر          دمعة حزن تجريـــــــها

وآنه أعله گـــــبرك جيت          بصوت الدمع ناديـــــت

ابهظم اليسر جيـــــــــناك          ردينه ملگيــــــــــــناك

* * *