أضف الموضوع
صباح الجراح
الشاعر هيثّم سعّودي الكربلائي - 02/06/2009م - 5:22 م | عدد القراء: 6545
ردّ الـظـعـن بالعايله .... خويه يا عبّاس ـ خويه يا عبّاس
انـهـض يخويه استقبله .... خويه يا عبّاس ـ خويه يا عبّاس
* * *
ودّعـت لـحـسـيـن اخـوهـا زيـنـب الحرّه العقيله
وصـدّت الـصـوب الـفـواطـم والـدمع فجّر مسيله
نـادت امـشـونـه يـهـلـنـه لـلچنـت عنده چفيله
امـشـو لـلـعـبّـاس أخـبـره ابـمحنتي وارد اشتكيله
والـحـرم ضـجّـت مـعـوله .... ولطمت عله الراس
ونـادت يبن عقد الوله .... خويه يا عبّاس ـ خويه يا عبّاس
* * *
يـم گمـر هـاشـم تـعـنّـت نـادت ابصوت الفجيعه
انـهـض اسـتـقـبـل ظـعـنّه يل طحت فوگ الشريعه
هـاك اخـذ عـيـنـاي مـنّـي يـل چنت عندك وديعه
گوم اخـذ چفّـيـنـي مـنّـي وعوّض اچفوف الگطيعه
چفّـي اويـه چفّـك بـدّلـه .... يـا أعـزّ الـنّـاس
وامـسح دموعي الهامله .... خويه يا عبّاس ـ خويه يا عبّاس
* * *
دمـعـتـي مـن عـيـنـي سـالت من رحت منّي ضحيّه
والـعـده حـرگت خـيـمـنـه والـخدر راح امن اديّه
واصـبـحـت بـالـطـف يـسـيره وطايحه بيد آل اميّه
وعـل هـزل خـويـه ارچبـونـي وانعكس دهري عليّه
بـيـدك چنـت مـتـدلّـلـه .... لـن بـيد الارجاس
يـلّـلي جبتني الكربله .... خويه يا عبّاس ـ خويه يا عبّاس
* * *
والله يـا خـويـه اهـضـمـونـي يـا بـعد روحي يغالي
عـل هـزل يـسـري طـعـنّـه مـن بعد عزّي ودلالي
سـاعـه عـدوانـك تـسـبـنـي واشتمت حيدر يوالي
وسـاعـه‌تـضـربـنـي‌اعـله‌متني والحرم تبچي اعله حالي
يـا هـضـم گلـبـي الـيـحـمله .... ودلاّلي حسّاس
ونوحي‌ابهضم ردّ واعتله .... خويه يا عبّاس ـ خويه يا عبّاس
* * *
هـالگلـب مـن يـبـره جـرحه ينلچم كل ساعه جرحه
والـظـعـن بـالـشـام صبّح وريت أبد ما شفنه صبحه
خـويـه كـل هـايـه الـمسيره وراسك ايلوح اعله رمحه
وظـلـعـت الـوادم تـشـاهـد محنتي وچن عدها فرحه
فـرحـانـه أشـرار الـمـلـه .... الـما تملك اءحساس
ودمعاتي الك متواصله .... خويه يا عبّاس ـ خويه يا عبّاس |
|
