محد حضر يمــــــنه          من حرگوا اخيمنه

دمــــعي يجــــــــري          اسمــــــع ونيـــني

يا عباس

* * *

عـــــــــــباس يا من طيحتك هدمت داري          والدمع جــــاري

وجــــــــروا گلبي وناشدت شيطفي ناري          والدمع جــــاري

انحــــــــــب وانوح لفرگتك ليلي ونهاري          والدمع جــــاري

گوم انظر لحــــــالي          لا خيــــمه لا والي

ذبــــــــني دهـــــري          اسمـــع ونيـــني

يا عباس

* * *

يا با الفضل حال الدهر بيــــــــنك وبـيني          اسمـــع ونيـــني

شفرة الگطعت يمنتك گطعت يمـــــــــيني          اسمـــع ونيـــني

من گبل عينك بالسهم صوبوا عــــــــيني          اسمـــع ونيـــني

گلبي نشف ريعـــــه          يا ضيعـــة الضيعه

شنهـــو عــــــــذري          اسمــــــع ونيـــني

يا عباس

* * *

عباس عگبك جارت الدنيه علــــــــــــينه          من يدري بيــنه

يا بدر عمري من غبت وليه انـــــــولينه          من يدري بيـــنه

ما ظل خدرنه ولا خيمنه ولا ولــــــــــينه          من يدري بيــنه

جـــرح الگلب دامي          شيخــــــفف آلامي

اشيطـــــــفي جمري          اسمــــــع ونيـــني

يا عباس

* * *

عباس بألطف دنيتي جــــارت اويـــــــايه          ابطيحت الرايــه

وبروحتك يا با الفضل شفــــــــنه المنايه          ابطيحت الرايــه

يا ريت شاطي العلگمي لا يجـــــري مايه          ابطيحت الرايــه

فيض الــــدمع هامل          لا خــــــدر لا كافل

ويـــــنه خــــــــدري          اسمــــــع ونيـــني

يا عباس

* * *

عباس جفني ابغيبتك تنزف اجـــــــروحه          روحتك روحـــه

گلبي يبو فاضل الك يعــــتب ابنوحــــــــه          روحتك روحـــه

كل ساعه نبله من الدهر بألطـــف تلوحه          روحتك روحـــه

اشما تكثر اجروحي          يكثر صــبر روحي

هــــــذا صــــــــبري          اسمـــع ونيــــــني

يا عباس

* * *

بدرك يعباس اختفه اببرج المصــــــــايب          عن عيني غايب

ما ظل ولي اليسمع عتب المن اعاتـــــب          عن عيني غايب

راح الذي عــــــــن الگلب يجلي النوايب          عن عيني غايب

ملتهـــــــــبه نيراني          من جمرة احزانـي

ناري تســــــــــــري          اسمـــع ونيــــــني

يا عباس

* * *

من مجره نحرك يا گمر ظل يجري دمعي          تعلم ابوضعــــي

نيران فگدك تنطفي وتلهب ابضلــــــــعي          تعلم ابوضعــــي

أصوات حزني لمهجتي باللوعه تــــــنعي          تعلم ابوضعــــي

يا فرحــــــة اسنيني          يالغبت عن عــيني

هــــذا أمــــــــــــري          اسمـــع ونيــــــني

يا عباس

* * *