يـعـباس  فقدك  هضمنه إجـيـتك و الدمع  يهمي اوصـلت للشاطي لن يمي صـريع  امخضب و  مدمي يـعـباس  دهرك   حرمنه لـفيت  و  روحي شجايه أصـد  لـلعلقمي و  مايه يـخـويه ابطيحت  الرايه يـعـبـاس مـحد رحمنه جـنـت بـحماك مهيوبه أصـد  لـلجثث  مسلوبه و خـيمنه أصبحت  منوبه يـعـبـاس ذبـحوا زلمنه أصـيح  ابحسره و  ابلهفه يـمـيـنك  ينقطع  جفه يـخـويه و حالتك  كلفه يـعـباس  طيحت  علمنه صـعـب  فرقاك   يالوالي يـخـويه اشيجمع أطفالي عـلـيّ  الـضيم  متوالي يـعـباس خصمك ظلمنه يـخويه من شفت جسمك صـحت ريت أنذبح  يمك وذر  عـالـقاع  شيلمك يـعـبـاس  هـايج  ألمنه

يـعـباس  حرقوا   خيمنه ايتخطه  اعله الجمر  جذمي أشـوفـنك جسد  مرمي صحت  من  لوعتي و همي يـعـباس  حرقوا   خيمنه جـبـت  أحـزاني  ويايه صـحت  من ضيم  دنيايه لـفـتـنـه  الخيل  عنايه يـعـباس  حرقوا   خيمنه صـرت مهضومه  مرعوبه ضـحايه  ابدمها   مخضوبه ابـلـهيب  النار  منشوبه يـعـباس  حرقوا   خيمنه يـبـو فاضل ألف  وسفه وريـدك  مـا وقف  نزفه كلف  مصرعك  شنوصفه يـعـباس  حرقوا   خيمنه عـفـتـني  ابحيرة  اعيالي أنـوحـن  و الدمع  هالي و مـرار الـدهـر  يبرالي يـعـباس  حرقوا   خيمنه صـريـع امخضب  ابدمك يـا  لـن ما ينحمل  همك عله اجروحي انطبع رسمك يـعـباس  حرقوا   خيمنه