يـمـن دمـك يـعـلمنه معاني العز يبو الاكبر
ولـجـل عـزة كـرامتنه نطيت النفس والمنحر
وأحـنـه صحنه منجازيك الابن والمال والجوهر
أخـذ دمـنه يبو السجاد وأطلب لو ردت أكثر
ونـذكرك من نتصبر... وصرختنه حيدر حيدر
نطيت الاهل والاموال ورخصت النفس يا مظلوم
وأحـنـه نبايعك بالدم من أجلك نضحي دموم
ولـو شـاهـد ردت يحسين دمنه يشهد بهاليوم
بـسـمـك نطبر الهامات وخله اللي يلوم يلوم
شـمـا كَالوا ما نتأثر ... وصرختنه حيدر حيدر
مـثـل عـابـس تـجـنـنة وما نمتنع يدرونه
ومـن أجـلـك فـلا نـهتم شما سمونه سمونه
ومـا يـغـلا عليك الدم وخل كلهم يلومونه
ولـجلك نسحكَـ على الموت رغم اللي يعادونه
شـما لاموا نصبر أكثر... وصرختنه حيدر حيدر
نـعـرض الـهـا فـركتنة وخلها الدنيا تتفهم
أنـتـة رخصت النه الدم شلون نعز عليك الدم
مـصـبـاح الفجر لو صار ألنه جروح تتبسم
والـمـا تـعـرف الـواقـع خل تنظر وتتعلم
من دمك خذنه المصدر... وصرختنه حيدر حيدر
يـحـسـيـن بـمحبه وياك من الازل عالفطره
وتـعـلمنه الصبر يحسين من كَلبكَـ ومن صبره
والـيـتـبـع درب نهجك ميهم لو بذل عمره
يـكـتـب هـالعهد وياك دم اليجري بالطبره
وعن وعدك ما نتأخر ... وصرختنه حيدر حيدر |
