يـا فـارس بـدر و احـنـين قوم الكربله ابهمه شـوف ابـناتك ابيا حال صارت عقب أبو اليمه
زيـنـب هـالـمـسيه اتصيح وينه اللي عليّ ينغر يـآخـد مـعـصـبـي وياه و يتعنه القبر حيدر يـقـلـه يـا عـلي ابناتك عليهن داير العسكر عـدهن ما بقت وليان .... نومه اعله الثره الشبان كــلــهــا ابــحــومـة الـمـيـدان هـذا امـقـطعه اجفوفه .... و ذاك امعفر ابدمه
بـسـك يـبـو الـحمله النوم قوم الكربله الليله شـوف اشـبـولك ابيا حال و اسمع حنت العيله رمـلـه اتـصـيح يا جسام علي الأكبر تون ليله و زيـنب يا وصي الهادي .... الليله اتجول بالوادي تـلـم الـحـرم و اتـنـادي مـا ظـلـت شيم يحسين .... عند الوادم و ذمه
قـامـت يـبـو الـحـمله اتجول و تلم ابيتاماها مـن تـتـذكـر الـولـيان تجري ادموع عيناها مـن قـبـرك يـحـيـدر قـوم هالليله و تعناها شوف اشحالها ابها الليل .... من عدها دموع اتسيل مــن تــسـمـع صـهـيـل الـخـيـل تـقـوم أطـفـالها اتنادي.... لفتها الخيل يا عمه
مـن يـثـرب لعد بغداد رحت و غسلت سلمان و قـبـره بـيـدك احـفرته واوريته يعالي الشان و احـسـيـنـك ثـلـثتيام يبقه ابحومة الميدان جـسمه اموزع و عاري .... يحيدر جفنه الداري قــوم الـجـثـتـه واري و جـسمه الرضته العدوان .... يا حامي الحمه لمه
يـضـمـك يـا علي قبرك و عينك هالمسيه اتنام بـنـاتـك صـارن ابـحيره و بيهن دايره الظلام لا ظـلـت زلـم عـدها و لا ظلت الليل اخيام الـعـسـكر داير اعيها .... و حرقوا كل مبانيها قــوم الـنـار طـفـيـهـا و بسما طاح أبو السجاد .... حرقوا يا علي اخيمه |