يـمـك و بـحـضن حبك تربينه انـولـدنـه بكربله جانت  ولادتنه و ذر طـاهـر يبو السجاد  رضعتنه أيـام  الـطـفوله  الجزت  نذكرها تـلـوج  أرواحـنه و لمن  نصبرها يـا مـن حضرتك جنة عدن  جنها لـجـن  يا حيف بعدنه الزمن عنها تـذكـرنه  و مدامعنه غدت  تجري نـعيش  بغربه  يبن المرتضه و  تدري أظـن تدري تعذبنه و علينه  اشصار يـبو  اليمه  و نعود الحضرتك  زوار نقدم انحور يحسين و ذهب  واجفوف يا كعبة فخرنه اشوكت بيك انطوف

و  نـقـضـي العمر يم قبرك تمنينه مـثـل أمـنـه نحبها و بيها  عزتنه الـكرامه  و شرف من عدها تغذينه بـضريحك لا بردها ايهمنه لا  حرها تـقـول  مـن الصبر يحسين  ملينه نـشـم عطر السعاده و الأمل منها تـذكـرنـه الـليالي و ليها  حنينه و  نـيران البعد وسط الحشه تسري و بـعـد ذيـج المعزه وسف  ذلينه مـتـى يـلتم شملنه يا أبو  الأحرار عـالـجـفـين لو كطعوا  رجلينه و  ضريحك يا أملنه نعتني له ازحوف عـلـيك  بكسر ضلع أمك يوالينه