مـكـه و مـديـنـه يـحـسين ...مكه و مدينه
تـشـهـد ابـفـضـلك يحسين ... يبن الزجيه
حـضرتك كعبه و بعد ترهه اعليها ... أجر و مثوبه
و أسـتـارهـا كلمن تعلق بيها ... تنمحي اذنوبه
انـجـان مـكـه الناس تقصد ليها ... بالعمر نوبه
احـنـه الـحـضرتك يحسين ... احنه الحضرتك
كـل عـام نـقـصـد لـيـهـا ... يبن الزجيه
كلمن الصورت حضرتك خلاها ... إقباله و تفكر
يـبـصـر الكعبه و ايعرف معناها ... بس ايتصور
مـكـه الـذي بيده القويه ابناها ... من عالم الذر
بـيـده حـضـرتـك يحسين ... بيده حضرتك
هـو الـذي بـانـيـهـا ... يـبـن الـزجيه
و الـلـي يطب الكربله و يتروه ... بيها و يواظب
مـا بين أبوفاضل و بينك هوه ... ايشوف المواكب
تـتـمثل ابعينه الصفوه و المروه ... و كل المطالب
يـذكـر الـمـسـعـى يحسين ...يذكر المسعى
كـلـمـا سـعـى ابـواديـهـا ... يبن الزجيه
و ابـصحنك الحج انفرض أحكامه ... من قبل آدم
مـن هـله المسلم ليه شد احزامه ... اتلاقيه يلملم
يـغـسـل اذنـوبه ابدمعته الهتامه ... مو بير زمزم
لـو شـاف قـبـتـك يحسين ... لو شاف قبتك
اتـخـبـره قـبـرك بـيـهـا ... يـبن الزجيه.
و الناس لو ترمي بمنه اعله الجمره ... حصوات سبعه
طاعت الباري و أمر راعي القدره ... حكمه لبسرعه
احنه اعله فقدك دوم يبن الزهره ... دمعه اعله دمعه
جـمـرة حـزنـه يـحـسـيـن ...جـمرة حزنه
بـدمـوعـنـه نـرمـيـهـا ... يـبن الزجيه
مـن شاوطت هاجر و تالي اتروت ... هي و ابنها
سـوت رباب ابكربله ما سوت ... من جف لبنها
لكن أطفالك من ضمها اتلوت ... بس رحت عنها
مـحـد سـقـاهـا يـحـسـيـن ...محد سقاها
مـن فـصـحـت بـرجـلـيها ... يبن الزجيه
اسـوايـة الـهادي بيك سر معناها ... محد ينكره
إبـراهـيـم بإسماعيل ما سواها ... و اشتهر أمره
و انـجـان ربـه المهجته أبداها ... هو اعله أجره
مـهـجـتـك مـحـد يـحسين ...مهجتك محد
مـن الـقـتـل يـفـديـهـا ... يـبن الزجيه
و انـجـان بس بإبنه الخليل الربه ... ضحه امهجته
سـمـوه ذبيح الله و لا من ضربه ... لاحت رقبته
إنـت لـون غـيرك المرمر قلبه ... ذوبت مهجته
سـبـعـيـن واحـد يـحسين ... سبعين واحد
مـن هـاشـم امـضـحـيـها ... يبن الزجيه |
