طفوا شمعة حياتك حياتك
يالأكــــبر گلــــــــبي مجــــــــــــروح بعد شيصبر الورح
طفوا شمعة حياتك
* * *
يا غــــــصن الزرعته بروضة الآمال وبدلالــــــــي أثمر
يا أترف نسيم ايمر عــــــــــلى الدلال وبروحـــــي تعطر
هاي المحنه ما چانت تــــمر عــالبال يوليدي يــــا لأكبر
يمن تزهر صفاتك صفاتك
يغـــــــصن البالوفــــــــه اتفــــــــوح بعد شيصبر الروح
طفوا شمعة حياتك
* * *
يضـــي العين عگبك ما تشوف العين يا زهـــــرة حناني
يا لأكبر حرت وين انطي وجهي وين حيرنـــــــي زماني
وگع سور البنيته واتعــــــبتله اسنين واتهــــــــدم كياني
ثبت عزمي ابثباتك ثباتك
طحت وانهدمت اصروح بعد شيصبر الروح
طفواشمعة حياتك
* * *
يا برج الأمل يا وسفه بدرك غـــــاب بغــــــــيوم الليالي
مصابك يبني ما مثله يصير امصـاب يا لغــــــيرت حالي
صوبني زماني اصواب من اصــواب هذا اللــــي جرالي
خذت روحي ابمماتك مماتك
اصيح بدمع مسفوح بعد شيصبر الروح
طفوا شمعة حياتك
* * *
يبني من شفت جسمك على التربــان متوســـــــد الغبره
بالهم والهضم والنحب والاحــــــزان ناديتك ابعــــــــبره
من گلبي بعد شيطـفي هالنــــــــيران شيخمد الجمــــــرة
يمن نصبوا رفاتك رفاتك
علم ويناشد أبنوح بعد شيصبر الروح
طفوا شمعة حياتك
* * *
بديار الغرب محتارة بين أعــــــــداك لو ناشدت عـــــني
أون وانحب ونوحن من هظم فـرگاك گوم استمع ونـــي
يبني حسبت اگضي العـمر ويــــــــاك وسفه أيخيب ظني
گلت أحضه بنجاتك نجاتك
لگيتك يبني مذبوح بعد شيصبر الروح
طفوا شمعة حياتك
* * *
لمن رحت عني الأمل عــــــــني راح ليك اسهرت ليــلي
وإبطيحتك بيت اللي بنيـته طــــــــاح يا لهدمت حيـــــلي
يا لأكبر وصوتي من المصايب صاح شيصبر دلـــــــيلي
أنهدم حيلي بوفاتك وفاتك
عليك النظر مشبوح بعد شيصبر الروح
طفوا شمعة حياتك
* * *
