جمر امصاب... بالگلب يسعر ... جمر امصاب
بـدرك غاب ... يبني يالأكبر ... بدرك غاب
مـا يـخفاك... أمك و أصيح بگلب مجروح
اشـلون أنساك... يا ثمر عمري و زهرة الروح
گلـبي اوياك... بيا عين أشوفك يبني مذبوح
الـلـيله بعام ... ما فارگت من بعدك النوح
و الـدلال بـالـهـم تـكدر ... و الدلال
ويـه الأحـلام... فكري خيالك يبني مرسوم
گلـبـي هـام... روحي بكت عالمذبح اتحوم
اشـلـون اتـنام... عيني عليها السهر مختوم
الـليله بعام... اخلافك بعد ما ضاگت النوم
دمـعي ايسيل و الجفن يسهر... دمعي ايسيل
يـا مـصيوب... إي و الذي خصك بالأنوار
صحت النوب... و اللي اجعلك تشبه المختار
وشـجم دوب... أبجي إعله فگدك ليل ونهار
گلـبـي ايـذوب... بين الجوانح تسعر النار
مـن الـنـوح گلـبـي تفطر ... من النوح
فـكري احتار ... وين أنطي يبني الوجه لاوين
تدري اشصار... روحي و دليلي اسعرت نارين
وش تـختار ... نار اعله فگدك يا ضوه العين
ثـانـي نـار ... تطفه و تشب لمصيبة احسين
يـالـمخضوب من دمه المنحر... يالمخضوب |
