يحسين اگعد شاهد حــــــالي

* * *

بغربه ولا واحد ظل يــــــمي          لا وين اتوجه يبن أمــــــي

أحتار ابهمك لـــو هــــــــمي          وجسمك عالتربان اگـــبالي

* * *

ابهمي وهمك فكري اتحـــير          أرد أوصل يمك ما أگــــــدر

خيل وليل ونار وعســــــــكر          عگبك ما أدري اشيجرالي

* * *

نوب اتعـــنالك للمصــــــــرع          نوب اذكر أطفالك وأرجــع

محتاره وبس اجري المدمع          كلسا حسبه اتمر ابــــــــالي

* * *

ناديتك والمدمــع يجــــــــري          لا وين اتوجه مــــــا أدري

عگبك بألطف سلبوا خــدري          وآنه الما ينشاف اخــــيالي

* * *

سلبوا خدري وخدر اعــيالك          وانسحگت بالخيل أطفــالك

ظل ينشد عــــــــنك چــــتالك          يا زينب چاوين الوالـــــــي

* * *

ناديتك والدمعـــه ابعــــــيني          اشلون ابهالحاله اتخلـــيني

يرضيك العسكر توليــــــــني          يرضيك اتحــير بعيالـــــــي

* * *

يبن أمي اخلافـك ظليــــــــنه          ابغربه ولا واحد يحمــــينه

كلسا هجمه اتغير أعــــــلينه          وكلسا ظـــالم يتعــــــــنالي

* * *

أنظر أيتامــــك مسلوبــــــــه          أنظر للخـــدًّر مرعـــــــوبه

أنظر لخـــيامك منشــــــــوبه          وچم لوعه أتحــــمل دلالي

* * *

لميت العــــــــيله من الوادي          وظلت روحي اعليك تنادي

لو طوح بظعوني الحــــــادي          عگبك منهو ايـشد ارحالي