نعوف اولايتك مولاي جم ظالم يهددنه      

اشلون انعوف ابو الحسنين انقابل جم علي عدنه

*****

مره بالطمع رادوا بلكت ينفع الترغيب      

و مره بالرعب و الخوف بلكت ينجح الترهيب

و ظنوا من تمر اسنين انحبك على الشيعه ايغيب

حسبوا نهجك ابيعه          و غيرك يا علي انطيعه

و ننسه احنه الك شيعه

و ظنوا منهج القوه عنك سيدي ايردنه

***

صاحوا احنه قدوتكم و كون القدوه تتقدس     

و حانت ساعة البيها عليكم قوه نترأس

صحنه حيدر الريه اشلون بغيره نتنفس

نحجيها و تسمعونه     عنه ما تغيرونه

اقتلونه و اذبحونه

احنه من الأزل وياه عهد الشرف عاهدنه

***

حب الشيعه للكرار محد يقدر ايفسره    

اتفسره ادموع زواره ذيج التذرف بقبره

جذر و بلا جذر شفتوا تعيش و تكبر الشجره

من قبل البشر صحنه     احنه الرافضه

روينه بدمنه مذبحنه

أيس توصل المغزاك خاسر يالتهددنه

******