يــجــراح يــجــراح ..... عـلـي اشـحـالـه يـجـراح لـفـه الـجراح حيدر شيعته اتنشده ..... تگله يالأجيت الحيدر اتضمده نـنـشدك  و الجواب انريدك اترده ..... علي الماجان فارس يوصل  الحده علي القاتل أحزاب أهل الشرك وحده ..... لجل دين الرساله الصارم امجرده عـلي الكل الخصال اتجمعت عنده ..... علي الأدرك الهادي بساعة  الشده الـعجب ابن المرادي اعليه يتعده ..... ينام اعله الوساده و ضربته  اتضهده وسـف طـاح .... وسـف طـاح .... جـبل عزنه ..... وسف طاح يـجـراح  الـشفت بعيونك اصوابه ..... ننشدك و الدموع انهار سجابه نـعـاتب و الگلب ما يخلص اعتابه ..... علي الجانت رجال الموزمه  اتهابه الـفـقار  بيمنته و ما والف اقرابه ..... علي الطب الحصن خيبر قلع  بابه عـلـي الـكمّل الدين و شيّد أطنابه ..... رف راية الباري و فسّر اكتابه وسـافـه  بالغدر  سيف الحقد صابه ..... وحش مظلم بقه بهالليله  محرابه فـزت صـاح ..... فـزت صـاح .... و حـق ربي ..... فزت صاح بـكَـيـنـا الـمـوعدك تشبح نواظرنه ..... تنينه و ننتظر منك تبشرنه يـجـراح بـوضـع حـيـدر دخبرنه ..... تمنينه بأمل من عندك  تخبرنه سـكوتك  و الدمع هو اللي امحيرنه ..... علي الگبل الندب بعازه  يحضرنه لـون عـنـه ارتـحل گلي اشيصبرنه ..... يجراح الدهر ما صدق ايسرنه يـريـد  ابـغـيبته الوالي يمرمرنه ..... وكت عيد الفطر يكسر  خواطرنه الـحـزن لاح ..... الـحـزن لاح .... أظـن جَـنّه ..... الحزن لاح بگه الـجراح حاير دمعه يتجاره ..... يشوف اولاد حيدر كلها و  انصاره اجـتـه اتناشده و تتسمع أخباره ..... يجاوب و الگلب تسعر غدت ناره جـرح  حيدر  غميج و يكلف ازراره ..... و لا منه يطيب و تلتم أكتاره راسـم  بـالوصي  هالبانت آثاره ..... و بعد هاي المسيه ايغيب عن داره وسـف  راح  الذي ينشد على جاره ..... عگب عينه يتامه الشيعه محتاره بـجـه ونـاح ..... بـجـه ونـاح .... الوحي الفگده ..... بجه وناح