شـمـعـه و دمـع و اخيام... و الالام ... تختمها و  تـفـكـر أم جـسـام ... يا أحلام ... ترسمها لـن  يـصـرخ الـمـظلوم ... جاسم ولوه  القوم إجـت بـيـن الـخيم قعدت رمله و الفكر مذهول تـفـكـر  بيش  ما تدري و صفنات الحزين  اتطول تـسمع  بس  رنين اسيوف ودويات و صهيل  اخيول و  ابـنـهـا  بـأمل تنتظره و ما تدري بعد شتقول مـا  تـدري شـنو الصار... و الأفكار ... متحيره تـنـتـظـر الأخـبـار ... و المحتار ...  شيصبره قـالـت أظـن هـالـيـوم ... جاسم ولوه  القوم بـدت  تـتـذكـر الماضي و تعبها و السهر و  الهم عـلـه الـمـهـموم من يصفن حسبات العمر تلتم الـولـد  لـو طـاح بـالـشده دليل الوالده  يعلم رسـم الـها القدر صوره جسم جاسم خضيب  ابدم مـحـتـاره بـالـحسبات... و العبرات... تجريها تـذكـر زمـان الـفـات... و الونات ...  تخفيها شـيـصـبـر الـمـهـموم ... جاسم ولوه القوم مـثـل  حـالـت قلب ليله من فقدت علي  الأكبر و جـانـت تـنـظـر اعـله احسين تأثر هيَ  تتأثر مـثـل لـيـله غذت رمله اعله وجه احسين  تتصبر قـلـبـها  ايشب  لون شافت وجه سبط النبي  اتغير اتـصد  اعله وجه احسين... دمع العين... ظل  يجري مـن نـايـبـات البين ... تقصد وين ... ما  تدري ردد صـده الـمـحـتـوم ... جـاسم ولوه القوم الـحـزين  بناظره ايطالع الحرب و الصوله و  الهجمه و  عـلـه  وجـه الـسبط رمله تطالع و القلب  يمه بـعـد لـحـظـات لن شافت تغير وجه أبو  اليمه الـتـفـت  الـها و غذه اينادي تخضب اينج  ابدمه ظـنـوة مـحمد صاح ... جاسم طاح ...  عالغبره يـا رمـلـه ابنج راح ... و الدم ساح ... من  نحره بـوجـه  الـسـبط  مرسوم ... جاسم ولوه القوم طـلـع طـلـعت أبو الفاجد تعنه احسين  للمصرع مـثـل  حـالـت جسم جاسم دليله بلوعته  اتقطع و  دخـلـت لـلـخيم رمله تنوح و تسفح  المدمع اعـلـه رمـله العايله اجتمعت و مدامع بالهضم تنبع هـالـعـيله  كلها اتنوح ... عالمطروح ...  بالحومه ادموع و حزن و اجروح ... وشجم روح ... مالومه يـا لـوعـة الـمـهـضوم ... جاسم ولوه  القوم تـعـنـه احـسـيـن لـخيامه بحزن و تلقته زينب تـشـوف ابـن الحسن بيده جتيل و بالدمه  امخضب بـفـسـطـاط الـخيم خلاه يصد الجثته و  ينحب بـنـات المرتضه اجتعمن اعله جاسم و الدمع ينصب يـعـيـن الله قـلب رمله قلبها جم جرح  مصيوب بعد  جرح  الحسن ما طاب جرح جاسم إجاها  النوب مـثـل نـجم السعد طايح تشوفه و الجسد مخضوب أمـر هـذا انـكـتب الها و فرض تصبر  عالمكتوب