أضف الموضوع
الشاعر الأديب الحاج جابر الكاظمي - 20/10/2009م - 10:49 ص | عدد القراء: 3602
يـا جاسم طفو اشموعك ... و علقوا نار لمصاب
تـقـطع جسمك إقبالي ... و بعد ميفيد لعتاب
يـا جـاسـم يـا ثمر قلبي عليك القلب مجروح
و يـوم الـلي شفت جسمك فوق الغبره مذبوح
و مـا ظـلـت بعد عندي لا مهجه و لا روح
الـدنيه اظلمت ابعيني ... و اهلال السعد غاب
غـاب ابـكربله اهلالي ... و بعد ميفيد لعتاب
يـجـاسـم حـنتك هذي صارت دمع و ادموم
خـانـت كـربـلـه بينه و خلت دربي مالوم
و روحـي اطلعت من جسمي و ظلت يمك اتحوم
قلبي يا بعد قلبي ... عليك اتصدع عليك و ذاب
و مـن يـنـصدع دلالي ... و بعد ميفيد لعتاب
يـجـاسـم مظلمه الحوفه طفو من عدها لشموع
و هـذي حـوفـة امصابك تضوي ابنار لدموع
تـحـنـن جـفـك و جفي ابدم نحرك المقطوع
ذبـيح و حنت اجفوفك ... صارت دم لخضاب
ابـفـقدك فاجده الغالي ... و بعد ميفيد لعتاب
يـجـاسـم صوبوا قلبك و مثلك قلبي مصيوب
و مـا تدري الولد لو غاب قلب الوالده ايذوب
و أصـعب حاله من شفتك ابدم النحر مخضوب
صحت يا ضيعتي الضيعه ... غريبه و فاجده شاب
و فـقـدك خيب آمالي ... و بعد ميفيد لعتاب
يـجاسم بالغرب وحدي يا ريت اعيونك اتشوف |
|
