روحـي  اتـودك مـثـل الأكـبـر ... مـا بـالـغ لو قلت لك أكثر رد  يــا  جــاســم لا تــتــوذر ... مــثــل  الأكـبـر يـا شـمعة آل هاشم عمك آنه احسين ... خايف لا ينولك مني جف البين حاير  يابن أخويه وين أضمك وين ... ابدليلي ابمهجتي ابروحي ابسواد  العين إرجـع يـابـنـي ورد لـمـجـانـك ... لا تـتـبـعد عن صيوانك خـوفـي اتـنـولـك هـاي الـعـسـكـر ... مـثـل  الأكـبـر مـاريـدك يـجاسم للمنايه اتروح ... و تتراكم عليَ اجروح فوق اجروح يـكـفيني  علي  إقبالي وقع مذبوح ... لا تزيد هضم قلبي و عذاب الروح يـكـفـي  الأكـبـر طـاح إقـبـالـي ... إتريد اتزيد هضمت  حالي تــريــد اتـضـحـي هـم تـتـعـفـر ... مـثـل  الأكـبـر اهـلال  و  بـعـده لسا ما كمل بدرك ... تريد اتروح تنطي للذبح  نحرك شـنهو  الشفت يا جسام من عمرك ... حته اتضحي و اتراب الثره  ايعفرك بـعـدك لـسـا ريـم و تـمـرح ... ويـنـك إنـت وويـن المذبح عــقـبـك  روحـي اتـظـل تـتـكـدر ... مـثـل  الأكـبـر وديعه امن الحسن ودعك يا جسام ... عليك امن الخطر حافظت عشر أعوام بواسدة  خاطري  تغفه جنت و اتنام ... تريد اليوم أسلمك بيدي  للصمصام ابـروضـة قـلـبـي اتـنـام و تـهـجـع ... ما تحلالي اتنام ابمصرع خــافــن جــثــتـك لا تـتـنـثـر ... مـثـل  الأكـبـر يـا  ريـم الـجنت بين القلب ترعه ... اضلوعي كل ضلع يابني إلك شمعه مـاريـد ابزفافك ضامري اتفجعه ... و لا ريد أطفي هاي الشمعه  بالدمعه يـا جـاسـم لا تـهـضـم روحـي ... تـحفر جرحك ويَ اجروحي انــت ابــعــيــنـي اهـلال و أزهـر ... مـثـل الأكـبـر يـا جـاسم للأجل حانت مواعيدي ... و آنه الما لويت اعله الحزن  جيدي هـذا إقـبـال عينك طايح اوليدي ... تريد النوب أسلمك للحرب بيدي إرجـع و ارحـم نـار امـصـابـي ... لـيـش اتـهـيج بيَ  اصوابي هــذا الــمــوت اعــلــيَ امـقـدر ... مـثـل الأكـبـر نـاداه أمـي بـعثتني و إجيت اليوم ... عازم عل الحرب يا عمي يا  مظلوم عـقـب  ما ودع عمه و قصد للقوم ... و اجفوفه تحنت من مسيل  ادموم