1 ـ يَـمَـن گَبْـرَكْ صُـبَـحْ لِـلنّاسْ مالاذْ
2 ـ مُـحِـبَّـكْ عَـنْ طَـريقَـكْ أبَدْ مالاذْ
3 ـ اِشْـلـونْ ايْـصـيـر إلِـيَّه الْمايْ مالاذْ
4 ـ وِانْـتَـه ابْـعَـطَـشْ تِقْدِمْ عَالْـمِنِيَّـه
1ـ عَـسـانـي آلْـكَـرْبَلَـه يَحْسَينْ مايَيَتْ
2ـ وَلا شْـوفَـكْ عَـلَـه الْـتِـرْبانْ مايَيَتْ
3ـ مِـثِـلْ دَمَّـكْ دِمْـوعِ الْـعَـين ْ مايَيَتْ
4ـ ومِـثِـلْ نـحْـرَكْ زِمـانـي گِطَـعْ بِيَّه
1ـ احـمـول الـشـدد غـيـرك من يشلها
2ـ وچفـوف الـنـوايـب مـن يـشـلها
3ـ چثـيـره اجـروح گلـبـي مـن يشلها
4ـ اداوي جـرح مـيـه اتـصـيـر بـيه
1 ـ عَـسَـه الْجِـنّْ وِ الإنِـسْ يَحْسَينْ مِنْهاذْ
2 ـ وَلا نَـحْـرَكْ أشـوفـه ابْسَيـفْ مِنْهاذْ
3 ـ طِـحِـتْ وِالـسِّمَه اتصيحِ ابصوتْ مَنْهاذْ
4 ـ جِـسَـدْ لـو هـذا كـَيـوانِ الثِّرَيَّـه
1ـ اهـمـومـي اهـموم فوگ الگلب منتل
2ـ أو سـبـاح الـدلـيـل اعـلـيك منتل
3ـ گوم ارجـعـنـه يـا عـبـاس مـنتل
4ـ جـبـتـنـه أويـاك لـرض الـغاضريه
1ـ مـره امـن الـهـظـم انـفـر مراحل
2ـ أو مـره اعگد حـبـل صـبـري مراحل
3ـ مـصـابـي ابـكـربـله اربـع مراحل
4ـ صـبـر ووداع وفـراگ ورزيـــه
1 ـ مـره اگطـع طـريـج الـصـبر مرّات
2 ـ وشـفـت عگبـك يخويه غصص مرّات
3 ـ مـو مـره صـحـت يـحـسين مرات
4 ـ وانـتـه مـا تـرد أجـواب الـيَّـه
حـيـاتـي ابـغـيـر ابـو الـيـمه مردها
و روحـي ابـيـا وكـت تـاخـذ مـردها
الـقـبـر حـسـيـن تـتـأمـل مـردها
ابـجـواره و خـل تـوافـيـنـي الـمـنيه
الـدهـر مـسـرعـ ويـايـه بهضم ما أن
و مـثـل ونـات قـلـبـي قــلب ما أن
يـا شـيـعـه اشـمـا شربتوا عذب ما أن
اذكـرونـي بـمـصــاب الـغـاضـرية
اعـلـه صـوب الـحـزن و الـنـوح ملنه
و غـيـر الـصـبـر بـالـشـدات مـلنه
و أظـن حـتـه الـصـبـر يحســين ملنه
ابـكـثـر مـا صـبـرتـنــه اعله الأذيه
شـبـيـهـك بـالـدهـر يـحـسين منفذ
ومـنـهـو الـدهـر جـيـش الـكفر منفذ
گلـبـك لـلـمـثـلـث صـار مـنـفذ
وصـدرك صـار سـاحـة خـيـل امـيـة |
