دعـبـل  الـشـاعـر  رسـم هـالحاله ... و بالمصيبه للرضه اتعنا  له **** وكـف وكـفـة فـاجعه اكبال الرضه .... و بدليله تستعر نار  الغضه صـاح أسـمـعـك شـعر يبن المرتضه .... يفجع الكون و يهز اجباله ** سـيـدي لو أمك الزهره تشوف .... آل أميه اشعملت بوادي  الطفوف اتـعـنـت  اعله حسين جدك بالسيوف .... و بيه تحيط الخيل و  الخياله ** عـكب ما ذبحوا أنصاره و البنين .... و كل اخوته اعله الرمال  امصرعين وحـده ظـل لا مـن نصير و لا معين .... بس عليل و نسوته و  أطفاله ** يـالـرضـه  و  يـاريت أمك فاطمه .... تشوف ابنها من دخل لمخيمه ودع أهـلـه و بـالـكَلب نار الضمه .... تنطفي و تسعر وسط  دلاله ** اشلون لو أمك الزهره بهالوضع .... اتشوف ابنها احسين دامي و منصرع جـان لا شـك تـنسه آلام الضلع .... و تنسه محسنها و هضم ما  ناله ** طـاح  ابنها  احسين بحجور الممات .... دامي و بكتره يصب نهر الفرات انـذبـح عـطـشان برهيف النايبات .... و الفرات انحرم من  سلساله ** يـالـرضه  و علزهره أصعب كل ألم .... حين جيش ازياد عالعيله  هجم حـرك  صـيـوان الـنبوه اعله الحرم .... و جدك اتسلبت كل  اعياله ** مـثـلـما تتقطع اركاب الضحي .... اتذبحت بالطف أهل بيت  الوحي جـرح وقـعـت كـربـله ما ينمحي .... و دمه ياخذ بالمصب  منواله ** سـيدي  و  بينت هالحال الفظيع .... و آنه دعبل خادمك و انته الشفيع اعـليك  أقسم  سيدي بدم الرضيع .... ادركني من يوم الحشر و  أهواله **