بغايته المعروفة متجه للكوفة
لمن راح مسلم صاح غايتنه للإصلاح
* * *
مســــلم طــلع يحمل هدف اغلى وأعــز من عمره
يأدي الرسالــــــــه الخالده ويشرح بـــــيان الثوره
مؤمن بأهدافـه وطــــــــلع متوجــه ابهالفــــــــكره
شاهد الكوفة بها لجمع متلهفة وتنتظره
سجلت بيعتها واعتلت صرختها
بايعناك واحنه آوياك فكرتنه للإصلاح
* * *
سجلوا ميــثاق وعــــــــهد يا مســــلم احنه انعاهد
بهاي النــــــفوس المؤمنة انبايعــــــك وانته القائد
لو ردت شــــــــاهد للــوفه هالعــــهد يصبح شاهد
نسرع لتنفـــــيذ الأمــــــــر ونوفــــــــي كلـما رايد
فكرك يدلينه وعالعدل يهدينه
بكل تأكيد انته تريد سيرتنه للإصلاح
* * *
بهاي الصفه وهذا الوضع مسلم اخــــــــذ بيعـــتها
ما بين ليــــــــله والفـــجر غيرت كــل فكرتــــــــها
كل الصفـــات الخافــــــــية بهذا الفعـــــــل ظهرتها
والكوفة رجعـــــت عالغدر ما بدلــــت عــــــــادتها
جددت ماضيها لا تعتب اعليها
چم دجال منهم گال بيعتنه للإصلاح
* * *
شيفيد إنســــــــان الـــــذي يعاهــــد ويخلف عهده
والطبعه يغدر لا تــــــــظن يگدر ضمـــــــيره يرده
ابحكم التجارب كل شخص جربه ابوكــــــت الشدة
بالشدد جرب صاحــــــــبك ينكشف كـــــل ما عنده
هالأمثال والأقوال دفعتنه للإصلاح
* * *
من الكوفة نضرب هالمـثل كل بــــشر هوه وطبعه
مسلم يريد الها المجــــــــد وهيه تــــــريد اتخدعه
خالفت دين المصطــــــــفه وحرفت نهجه وشرعه
ومسلم بصوت التضـــحية يهتف وصـوته انسمعه
صرخته المرفوعة بكل زمن مسموعة
بسم حسين ثورة دين ثورتنه للإصلاح
* * *
مندوب مــــــثل قائــــــــدة بزود وصمــــود وهمه
والكوفة مهــــــــما تبــتكر جور وغـــــــدر متهمة
يحـــــــمل إرادة ثابــــــــته اتوئق بصــبره وعزمه
أول شهــــــــيد وبالفــــخر مسلم تســـــــجل اسمه
ثابت بايمانه والعزم برهانه
بهالآثار مسلم صار قدوتنه للإصلاح
* * *
مسلم بهـاي التضحــــــــية صفحة شـرف راسمها
والكوفة كــــل جـيل اليجي بهاي الأفـــــعال ايذمها
عافت اليمنحها الفــــــــخر تبعت حــــــــكم ظالمها
من بعد هالكوفة البــــــدت للكوفـــة شتقــــــــيمها
تبعت اليخدعها وانكشف واقعها
مسلم عاد كل امجاد امتنه للإصلاح
* * *
