بـاسـمـك يـنـادي ** صـوت الـمـنـادي مـا يـجـري دمـك ** يا مسلم ** لو احنه يمك *             *            *            *             * لـون  بـيـنـه  الـزمن ينعاد نصير بديرة  الكوفة ونـشـوف  الظالم بن زياد على مسلم شاهر سيوفه يـتـلـفـت بـيـن عدوانه وحاير مسلم  نشوفه نـقـلـه  احـنه لا موذاك اليضيف ويغدر  ضيوفه عـهـدك نـحـفـظـه ** خـصـمك  نرفضه مـحـد يـهـمـك ** يا مسلم ** لو احنه  يمك مـا يـجـري دمـك ** يا مسلم ** لو احنه يمك *             *            *            *             * حـزن مـن يومك الهليوم شكثر مرت عليك  سنين عـقـب  الـف وثـلاثـمـية عام واربعة  وستين حـضـرنـه نـجـدد البيعة مثل كل عام مجموعين يـا  ريـت ويـاك بالكوفة يا مسلم جنه  موجودين بـروح الاطـاعـة ** بـمـعـنـى  الـشجاعة نـشـدى لـه عزمك ** يا مسلم ** لو احنه  يمك مـا يـجـري دمـك ** يا مسلم ** لو احنه يمك *             *            *            *             * وحـق كل قطرة من دمك وحق كل ذرة من  لحدك لـون  ذاك الـزمان يعود ونشوفك من تحن  وحدك نـمـد رقـاب ونـقـلـك احـسبها نذر عندك نـسـمـيـه مـن ابـوه الي يناديك ويصل حدك نــرفـع صـوارم ** بـوجـه االـمـظـالـم ونـتـحـده خـصمك ** مسلم ** لو احنه  يمك مـا يـجـري دمـك ** يا مسلم ** لو احنه يمك *             *            *            *             * بـعـهـد  ثـابت  نمد نحور الك نجعل سور  وصد وتـحـيـطك مهج وارواح وشحده اليدوس  الحد يـا مـسـلـم الـنـه بالمنطق ثوابت بيها  نتحدد الـيـجـور  عـليك مو مسلم هذا خارج  ومرتد نـثـبـت  نـقـاوم  ** كـل طـاغـي ظـالم شـحـده الـيظلمك ** يا مسلم ** لو احنه  يمك مـا يـجـري دمـك ** يا مسلم ** لو احنه يمك *             *            *            *             * طـفـح بـحـر القهر بينه وغرقنه بموجة  الاحزان ضـمـايـرنـه جـمر تنزف مثل ما ينزف البركان يـا مـسـلم يا من مصابك يخاوي الدمعة  والنيران قـضـيـت  بـديـرة  الغربة بلا ناصر ولا  عوان هـم الـحـمـلـتـه ** وحـدك جـرعـتـه مـا  يـبـقـى همك ** يا مسلم ** لو احنه  يمك مـا يـجـري دمـك ** يا مسلم ** لو احنه يمك *             *            *            *             * يـا  مـسلم  ما أجل واعظم مصابك يا نزيه  الذات الـك مـن عـنـدنا ما تنشف جمر تتفجر  العبرات مـتـت لـكن مجد يومك يظل شامخ وابد ما مات رموا من على القصر جسمك عقب ما هدته الطعنات جـسـمـك تـهـاوى ** بـجـور وقـساوى مـا  يـهوى  جسمك ** يا مسلم ** لو احنه  يمك مـا يـجـري دمـك ** يا مسلم ** لو احنه يمك *             *            *            *             *