مـسـلـم عليك الروح ولهة  وحزينه غـيـر الـنحب والنوح شيطح  بدينه *         *         *         *         * يـومك  يا  مسلم صار يوم والف  يوم وضيم وجذب حسرات ومرادف  هموم حـدر  الـجفن عبرات ومقاطر  دموم وغـفـوة  تـوالي  اليل شحت  علينه *         *         *         *         * مـسـلم  عليك الروح طافح  واجلها خـلـهـا بهواها تنوح مهضومة خلها هـضـمـك  هضم جتال زيد  عللها ولـلكوفة  حادي  البين مشبوحة  عينه *         *         *         *         * وكـل  ما اصد للماي ياخذ لي  تذكار وأذكـر وقـفتك ذيج يم عتبت  الدار وجـيت  على طوعة بروح تتواقد  بنار وقـلـبك يذوب صخور بجمرة  ونينه *         *         *         *         * وطوعة  اجت  وتريد من عندك  جواب شـعندك  يا مهموم واقف على  الباب وقلت  الها قصد الماي هرش الجبد  ذاب وروحي اعله جف الموت صارت رهينة *         *         *         *         * مـاي  الـيجيب  الموت ما ظنتي  يفيد وقـالـت شربت الماي يا مطلب اتريد وجنك غريب وصار درب أهلك  ابعيد مـن  يـا أهل من يا دار ومن يا مدينة *         *         *         *         * قـلـت  الها أهلي إبعاد ما هم جريبين مـن  هـاشـم  و منسوب  للهاشميين بـالـكـوفه قوم ازياد خانتني  هالحين مـسـلـم أنـا المعروف ليث  العرينه *         *         *         *         * قـالـت  هـله و حياك يبن  الأطايب عـمـك عـلي الكرار ليث  الحرايب احـسـبـها دارك هاي لاون تناسب و  خـدامك احنه انصير لو ترضه  بينه *         *         *         *         * بـسـمـا  دخلت الدار لن قوم  أميه انـبـعـثت  الك  جيمان لن  بالوطيه خـفـق اعـلـيك اهناك جنح  المنيه و دارت عـليك اسيوف أهل  الضغينه *         *         *         *         *