أولادك تـاهـوا يا مسلم و امهم تجري ادموع العين مـذعورة  و  تصرخ يا الوادم محد شاف أطفال اثنين *             *             *            *            * مـسـلـم عن حال اولادك أروي لك أفجع أخبار كـانـوا بأرض الطف و شافوا مصرع فتيان المختار شـافـوا غـارات الخياله كلما حل بالطف و  صار شـافـوا  فزع العسكر لمن عل الخد هجموا  صوبين *             *             *            *            * دوية  خيل و من كل جانب تهذي بصولات  الفرسان مـا ظـل صـيوانو لا مضرب إلا و شبت بي  نيران و  هـنـاك  أطفالك يا مسلم فرت بفجوج  الوديان تـتـعـثّـر بـطعوس الغبرى ما تعرف تتوجه  وين *             *             *            *            * لـيـل  انهار اتحث بالممشى و تصحبها اهموم و  الآم مـا تـدري اليا صوب اتطوح بيهم ركبان  الأجذام لـن  دخلوا حارات الكوفه و صاروا بين ايد  الظلام و  بـسـجن ابن زياد الظالم سجنوا بالكوفه الطفلين *             *             *            *            * بـالـسجن المظلم و اتجهوا للرب و اخدوا  يتعبدون أشـبـاح الموت اتراودهم شنهو اليحصل ما  يدرون بـهـا الـموت و لن دارت من ذاك السجان اعيون لـن  الـسـحـاب يشاهدهم ويَّ الخالق مشغولين *             *             *            *            * مـا بـيـن الساجد و الراكع مسجونين بلا  أسباب حـن  قلب السجان اعليهم ناشدهم و يريد  اجواب انـتـو  مـن انين و من يا ديره تنسبون اليا  أنساب قـالـوا  احـنا انعود المسلم لو رايد تعرفنا من  انين *             *             *            *            * عـاصـف لـوعه بقلبه اتهيج و اتغير حال  السجان صـاح آنا اتعذر عن كلما صادر من عندي و ندمان بـيـش  اتـعذّر يوم المحشر باجر من سيد  الأكوان لـو عـاتبني و قال أطفالي بسجنك كانوا  مسجونين *             *             *            *            * أخـرجـهـم بالخفيّة و لكن طلعوا مدهوشين  البال يـتـخـطـون ابلفح البيده شايلهم موج  الأهوال لـمـن  أتـعـبـهم ممشاهم ناموا مهضومين الحال نـومـة  مـن  يترجى الما مش مهمومين  مكسورين *             *             *            *            * شـافـتـهم حرمه و أخذتهم للمنزل وياها اضيوف لـن  صـاحب هالدار الظالم ساورهم بغيوم  الخوف و زوجـة هذا الغادر تصرخ اترك هالطفلين  اضعوف لـيـش اتـلـطخ ايدك من دم هالأطفال المحرومين *             *             *            *            * بـاتـوا لـيـلـتـهم بالمحنة من بيّن وجه  المصباح يـم  شـاطـي الجدول وداهم هذا الشرير  السفاح سَـل  الـسيف و آمر عبده هالطفلين اذبحهم  صاح هاك السيف و روح اذبحهم يا عبدي و جيب الراسين *             *             *            *            * هـم عـبده اتهّيب هم ابنه رفضوا أمره و ما  طاعوه و الـنـوب بـنـفـسه اتعناهم هذا الغَدار  المعتوه سـل  سـيـفه  و رايد يذبحهم لن هالطفلين ينادوه ارخـصنه انصلي الوجه الله و ندعوا المعبود بها  الحين *             *             *            *            * صـلـوا لـلمعبود بمدمع يقطر عل الوجنات ادموم دعـواهـم  يسمعها الباري يسمع دعوة كل  مظلوم صـاحـوا بـين الظالم و احنه احكم يا رب يا قيوم سـيـف الـظالم يتنطرنه و إحنه أطفال و  مظلومين *             *             *            *            * اتوجه  صوب الطفل الأكبر حز راسه بسيف الأحقاد مـن حـز راس الطفل الثاني بالجدول ذب  الأجساد شـال  الـروس وياه و مسرع راح المجلس ابن  زياد كـل ظـنه اعلى المال ايحصّل لنه ايضيع دنيه و  دين *             *             *            *            *