إعـلـه  مـسـلـم ثـار ......هوه  الأخطار نـريـد الـثـار ...... يـا حـامـي الـجار يـا  حـامـي الـجـار ...... يـا  حـيـدر *                *                *                 * عـلي يالما علاك الضيم غضب من تغضب و  تحتد يـا  تـرسـانة  بني غالب يا موجة عزم ما تنصد يـهاب  الموت من جفك يا ريح العاصف  الأسود خـبـر ما جاك عن مسلم عجيبه و صابر  الهلحد سـفـيـر  احـسـيـن ...... لـفـاه  البين يــديـر الـعـيـن ......غـريـب  الـدار *                *                *                 * بضرب سيفك بدر تشهد و أحد و الخندق و خيبر تـرجـف  الموت صولاتك يبو الكلفات يا  هزبر بـجوارك مسلم و ينضام وسافه و حيف يا حيدر لـون  مـالـك  خـبر عنه تخبرك دوية  العسكر يـا  ريـت اتـشـوف......لـفـوه  اصفوف بـنـبـل و اسـيـوف......قـنـه و  أحجار *                *                *                 * إعله  مسلم  ثارة الكوفه بجمع من كل كتر  حاشد بـيـن الـلـي طمع عنده ايتقرب للحكم  رايد و بـيـن الـجـاهل المغرور و بين الحاسد الحاقد و بـيـن الإجه و ما يدري بجيته اليا هدف قاصد و هـم يـردون......بـهـوه  يـتـبـعـون ابـن  مـيـسـون ......حـلـيـف  الـعار *                *                *                 * إعـله  هاي الشاكله الوادم يا حيدر و إنته  تعرفها تـمـيـل ويـه الهوه بسرعه و تغير كل  مواقفها ضـعـاف الأنـفـس بلا دين حب المال  يحرفها و  مـثلما  ما گلت يا حيدر الزلم بالشده تكشفها و أصـيـل الـراي ......إعـلـه ذيج و  هاي إتـفـق  ويـاي......إعـلـه  هـالافـكـار *                *                *                 * تـشـوفـه  زاهد و عابد و لابس ملبس  الإيمان و إذا مـا تـكشف الباطن تشوفه مثل أبو  سفيان لا سـيـره و لا مـبـدأ و لا ذمه و لا  وجدان و حـكـك يـا علي بدينار يبيع الدين و القرآن وسـافـه  و حـيـف......تـخـون الضيف دواهـا الـسـيـف ......و لـهـيـب  النار *                *                *                 * مـسلم  ضيف  إجه اشبصرك باللي يغدر اضيوفه مـثل  هذا الصنف كل يوم صرنه يا علي  انشوفه يـا  حيدر و الطبر راسك و رماك بمسجد  الكوفه اشـتـظـن  هم يرحم بمسلم تريد المسلم ايعوفه ضـمـيـر الـنـاس......وسـافـه انـداس بــلا إحــسـاس......يـبـو  الأطـهـار *                *                *                 * يـا  ريتك يا علي اتشوفه المسلم و العده  ايحيطوه من  كل جانب و كل صوب صاروا بالحجر يرموه عـكب  ما يسروا مسلم و من أعله الگصر  ذبوه بـحـبال  الحقد و الجور صارو يا علي  ايسحبوه إعـلـه هـالـمـأسـات......يـبو الحملات بــجــوارك مــات ......بـلا أنـصـار *                *                *                 *