يا نسيم إگصد إمامي.....إحمل إدموعي و  سلامي گلـه مسلم وحده حاير.....لا نصير و لا  محامي إخـذ مـن عـيني دمعها و إخذ من قلبي  السلام يـا نـسيم الطيب عرج و إگصد الصوب  الإمام گلـه  يـحـسـين الردت طلعت ابعكس  المرام و الـذي گالـوا نـبـايع سلوا ابوجهي  الحسام يـا  نسيم الكوفه كوفه .....ترجم الحال التشوفه مـن تـمر بحسين اريدك.....بالحزن تنقل  كلامي يـا  نـسـيـم  الهاب لمن توصل الضعن الحبيب گلـه يـا مـظلوم أصبح موت إبن عمك  قريب الـنـاس  بـاتت عالضلاله و للأمر ما  تستجيب أمـس  قـائدهم جنت إلهم صرت هالليله  غريب و الـبـشر هذا طبعها.....ابسرعه تنقاد  الطمعها ابسرعه  تخدعها المطامع..... و المظاهر و  الأسامي مـن هـوان الـدنـيـه يصبح إبن مرجانه  أمير الـثـعلب  اعله الگاع يمرح و الأسد واگع أسير بـايـعـتـني  الناس  كلها اشلون عدواني  تصير بـأرخـص الأسـعار عندهم صار ينباع  الضمير بـالـحـجر داروا عليه.....و الرماح  السمهريه و  ابـنبلهم  حاوطوني..... و سددوا كل  المرامي فـوق  سـطـح القصر آنه و حان ميعاد الممات واگف  الـسـيـاف  يمي و بيده سيف  النايبات بگت لـحـظـات ابـحياتي راح أفارگ هالحياة إسـرع اعـلـه حـسـين گله يا سفينة  النجاة دم  إبـن عمك تجاره.....من سطح قصر  الإماره روحه عرجت للمعالي..... و الجسم عالگاع دامي يـا  نـسـيـم و حين توصل للغوالب من  مضر لا تـفـاجـئـهـم ابـمـوتي لمن اتودي  الخبر كـلـمـه كلمه اوياهم احجي لا يداهمهم  خطر و  بـعـد عندي هالوصيه انكتبت ابدمعي  الحمر مـن  تـصـل بنتي حميده.....قلها شوفتنه بعيده و إبرفق إمسح دمعها .....من تشوف الدمع  هامي يـا  نـسـيـم ابهيده لمن تبدي و اتحاجي  اليتيم لا  تـصـدع  گلـبه و إعطف عاليتيمه يا نسيم خـبـر حـسـيـن ابو الأكبر گله أتباع الزنيم بـاعـوا  الفردوس الأعظم و ارتضوا نار  الجحيم مـن  تصل  يمهم اخبرك.....تاخذ الأسياف نحرك يـنـجهل  تالي  مقامك .....مثلما جهلوا  مقامي و بـالـخـتام أختم كلامي ابدمعة اعيوني  التهل و  أرسـل اويـاك الـتحية الخالصه الكل  الشمل و إعـلـه كـل طفله يتيمه بالضعينه و كل  طفل و اعـلـه ربـات الـخدور و عايلة سيد الرسل ادخـلت  بوابة  مماتي.....و إنطوت صفحة  حياتي عـاقـبـة  خـير و شهادة مسلم و هذا  ختامي