نـاحـت سكنة و زينب يمها**و انشغلت كل وحدة ابهمها سكنة اتذكرت عمها و ناحت**و زينب ذكرت نحر ابن امها *********** حـالـة  سـكنة و حالة زينب**خلَّن قلبي و قلبك ينحب قـعـدن  وحـدة تقابل وحدة**مانعرف يا حالة  الأصعب حـسرة بحسرة و دمعة بدمعة**هاي التبجي و هاي التنحب وحدة  تخاطب  وحدة و تسأل**جم كوكب من عدنا تغيَّب بـيـن الـجـمـرة و بين العبرة**هامت كل وحدة بعالمها ********** يـا هـو الأول تبدي و تشرح**خل نسمع بالدمعة التسفح أول  زيـنـب  شـرحـت همها**طاحت بالهم قلبي مجرَّح مـن  يـوم الـلي طاح ابن أمي**شفته موذَّر وسط  المذبح لـلـيـوم  آنـة و دمعي مناور**هو يفيض و آنة الأمسح شـقـد  يـشـابه نحر أبن امي**جرح عيوني الينزف  دمها *********** صـاحـت  سـكـنة بمدمع يهمي**همج يا عمة بقد  همي يـكـسر ظهري الناقة مصابي**ما من طود اليحمل  هضمي طـيـف  الـعـباس  يراودني**صرت أشعر ما مَيِّت  عمي أمـشـي و أهـجـس يـمشي وياية**لمن أقعد يقعد  يمي أحـجـي و اسـمـه بـطرف لساني**الله يعيني تُفقد عينه ************* زيـنـب صـاحـت حـقج لمَّن** عالعباس عيونج  يهمن مـو هَـيـنـة التفقد غاليها**جروح حسين بعيوني  انرسمن جـن  ما  هشموا منه ضلوعه**أشعر جنها ضلوعي انهشمن و مـنـازع آنـة و حـسـراتـي**كل ما أنثرهن  يلتَمَّن شـيـجَـمِّع  حسرات مصابي**و دموعي السالت  شيلمها ************* أسـمـع شـتـجـاوبـها سكينة**غراب البين يحوم علينا آه  عـلـى  الـطايح علشاطي**و الموت أفرق بيني و بينه كـلـمـا  أمـسح  دمعة عيني**أذكر سهم الصَوّب  عينه كـلـمـا ألـطـم و بكل جفي**أذكر من قطعوا  جفينه كـل عـمـود الـهشَّم راسه**جن صوَّب روحي و ألَّمها