بـعـد  أهلي غريبه و موحشه داري....لبويه حسين يا هو إيوصل  أخباري و مـا أدري زمـانـي ويـن وداهـم....جسمي اهنا بقه و الروح وياهم يـا صـبـر الأمـلـكـه و بيه اتناهم....عليله و الصبر وجر لهب ناري يـالـرايـح أطـلـبك تاخذ إكتابي....و تنشد وين حلوا أهلي و  أحبابي و  مـن أتـروح أريـد اترجع اجوابي....عله ادروبك أظلن شابحه أنظاري عله اجناح الموده اوياك إخذ روحي....بلجي ابشوف أهلها تضمد اجروحي و بـلـجي ايهود ابملكَه الأهل نوحي....و تاهت يا هلي إبغيبتكم  أفكاري إخـذ  احـروف قلبي و خلي يقروها....و إخذ ونت دليلي خل  يسمعوها و بـلـجي يحن قلبهم من يذكروها....أنه ابصدري بكَت متكسره أعباري و  الـراح  ابـطـريـق الموت شيرده....وشحال الغريب العايش  ابوحده و مـن شـده أخـلـص واوقع ابشده....عليه اتحوم قامت يهلي  أقداري طوه  اضلوع الصبر و الهم كسر عظمي....نحل من المرض يا والدي  جسمي عـلـه افـراش الـمنيه و محد اليمي....و لا واحد ينشف مدمعي الجاري