يـحـسين و كتبنه إسمك* ابدمنه ابصفحة الوجدان عـاهـدنـاك  *مـا ننساك* يا بو اليمه ما  ننساك و مـيـهـمنه التعب يحسين لو نقضي العمر  خدام تـاج  الـشـرف هـالخدمه و بيوم القيامه اوسام و  هـذا الـعهد ما ينزال و ننصب مأتمك كل  عام اعـلـيـنـه من يهل عاشور نبجي و تثقل  الآلام و  مـن نـلبس اثياب السود و نرفع للحزن  أعلام و  لـمـن نـلـطم و نحزن و لمن نلطم اعله  الهام و  نـثـبت حبنا لك يحسين و ننصر ثورة  الإسلام و  لـو  نـفـرض تهجرنه وراوونه سجن و  إعدام و  أنـصـارك نـظـل يحسين و اللي تشهد الأيام و  فـطـرة  شـرف فطرتنه ....و هالخدمه محبتنه واقــع      عــن      عـقـيـدتــنــه حـبـيـنـاك نـاديناك.... يا بو اليمه ما  ننساك صرخه امن الضماير هاي مو لفظه اعله طرف إلسان بـيـعـت  شرف بايعناك و إسمك للشرف  عنوان و  أمـك فـاطـمه الزهره و جدك سيد  الأكوان و الـوالـد عـلـي الـكرار حيدر داحي البيبان و  ضـيـك مـن قـبل آدم جان ابذروة  الرحمان و الـذبـح الـعـظـيم إنت و عنك آيه  بالقرآن و إنـت الـقـدمـت يحسين للباري النحر  قربان و  إحـنـه نـطل خدامك و موكبنه اليظل  برهان و هـالـمـوكب حمل عنوان جدك يا عظيم الشان بـالـمـال و نـزف دمـنـه أقسمنه نشد  بنيان لـمـن نـتـعب و نسهر ....نربح والله ما  نخسر الــشــافــع إنــت بــالـمـحـشـر و إخـدمـنـاك نترجاك.... يا بو اليمه ما  ننساك بـالـطـف مـوقفك يحسين موقف حير  الأفكار ابـصـبـرك مـثلت جدك طاها المصطفه  المختار و كـنـت اتـمـثله ابعزمك عودك حيدر الكرار و  للدين أصبحت محراب و كعبه أصبحت  للأحرار و نـحـرك مـن أجل دينك قدمته الشخص جزار و تـدري لـو نزف دمك و كل قطره يصيح  الثار الـدم الـطـاهـر اتـعـوفه و هو اليغلي  بالبتار و  تـعـلم  لو متت مظلوم تلقه ابكل زمان  انصار و اجـفوف و ذهب تفدي و تقصد حضرتك  زوار و  عـنـك مـا تـبعدنه و كلما جارت  الأشرار و كـل شخص اعتنه ابلهفه ....و قدم للقطع  جفه و فــضــل امــحــبـتـك انـعـرفـه و  رغـم إعـداك بايعناك.... يا بو اليمه ما  ننساك هـالـمـنـبـر يـبـو الأحـرار لمن نقعد ابظله نـسـتـلـهم  عبر و ادروس و نقدر نعرف  العله و رايـه اعـله النهر طاحت اشلون أصبحت  تتعله و شـيـعـيـن الـدمع يحسين عل الخد لمن  إنهله و  سـر حـبـك يبو السجاد مثل الشمس  يتجله و إنـت الـلـي صحت بالطف نرفض واقع  الذله و  مـن اقـرابـه سـيف الحق ابوجه الظالم اتسله و  بـشـخـصـك  تمسكنه و ما نخضع و  نتخله و  جـذم الـعـهـد عن دربك لون الموت  مَنزله و الله الـيعلم ابها الحال ....نفدي المهج و  الأموال و  ذولــه إحــنــه ابــدمـع  هـمـال نـاديـنـاك نـتـرجاك.... يا بو اليمه ما  ننساك