» ساوموني...و آنا ما ساوم على بيعة أميري  » يا علي الأكبر صفاتك من صفات الأنبياء  » نور لعيوني و ضواي...من هواك اشتم هواي  » يم بابك و محتاج مديت اديه...كل مائدة جبريل نزلت عليه  » يا با الفضل جيب الماي لطفالك العطشانة  » هوسات في حق العباس بن علي عليهما السلام  » قوم هذي رايتك...يا با الفضل  » أربع كواكب متقدمه...هدية مني يا فاطمه  » ابجاه النبي و فاطمه و علي...أتمنه ترجع يحسين إلي  » يا بالفضل أدريك...همة علي اتباريك...يا شمعة اسنيني  

  
  • أضف الموضوع


  • الشاعر المرحوم الشيخ كاظم منظور الكربلائي - 24/12/2009م - 1:17 ص | عدد القراء: 3592



    عـبـاس مـا تـقعد تحاجيني ..... و آنه انعمت  عيني
    مـن سـهـم البعينك الماذيني ..... و آنه انعمت  عيني

    عـبـاس  مـا جنت أظن يرموني ..... بعدك  يفجعوني
    لاجـنـت  أظـن تتقيد امتوني ..... خويه و  يضربوني
    عـبـاس بـاجـر مـن يـمشوني ..... للشام يردوني
    بــالــدرب مــنــهــو الـيـدلـيـنـي

    عـبـاس  سـهـم العين جتالك ..... و انمرد  دلالك
    و  بـضـربـة  الـعامود آجالك ..... حققت آمالك
    و  الـليل  لو جلجل عله اعيالك ..... شيصبر  أطفالك
    عــبــاس وحــدي لا تــخــلــيـنـي

    ما أدري قلبي ينحب الفركاك ..... لو من سياط  اعداك
    عباس  و  انته اتغسلت بدماك ..... و اختك بقت تنعاك
    عـبـاس جنت امخدره بحماك ..... و الخذر راح  اوياك
    يــاريــت ويــاكــم  امـقـطـعـيـنـي

    عباس قلب اختك تشب ناره ..... امن الدهر و أخطاره
    عباس هذي الخيل اجت غاره ..... اعله الخذر و  أستاره
    عـبـاس  لـخـتك ما بقت جاره ..... بالحرم محتاره
    عــبــاس مــا تــقـعـد تـحـامـيـنـي

    عـالـهـضـم شـيصبر يتاماكم ..... عباس بعداكم
    عـبـاس  جيف البال ينساكم ..... و القلب  يسلاكم
    عـبـاس يـصـعب عليّ فرقاكم ..... خلوني  وياكم
    دهــري غــصـب عـنـك  يـمـشـيـنـي



    موقع القصائد الولائية © 2004 - 2013