أضف الموضوع
الشاعر المرحوم الشيخ كاظم منظور الكربلائي - 06/01/2010م - 7:05 م | عدد القراء: 1763
يـاراعـي الـعـدالـه.... مـريـوده الـكـفاله
وتـصـدقـت خـوتـنـه.... من الوطن طلعتنه
بـشـروط الـجـلالـه.... مـريـوده الـكفاله
عاده الكفيل بعزمه يرضي المكفول...... ويسر دليله
ويشگف مصايب دهره عنه ومسؤول..... من يمر ليله
شـنگول يابالفضل عنك شنگول...... العندك عقيله
تـعـلـم بـغـربـتها...... وهاك إخذ صرختها
يـالـركـزت رايـتـنـه.... مـن الوطن طلعتنه
بـشـروط الـجـلالـه..... مـريـوده الـكفاله
يـاللي كفلتني كفلت عگبك أيتام..... دهري سباني
مـن ضـيـعـتني ضيعتني الأيام ..... فگدك لواني
من غمض جفنك جفن عيني ما نام ..... والهم علاني
مـن جـمـرة عـتـابـي.... هـاك إسـمع خطابي
يـالـطـيـحـتك حرمتنه..... من الوطن طلعتنه
بـشـروط الـجـلالـه..... مـريـوده الـكفاله
گطـعـت چفوفك گطعت دلالي..... وغيرت اثماره
سـهـم الـشـماته صابني وچتالي.... وتلتهب ناره
يـوم الـيسر ما چان يخطر بالي...... وعندك أخباره
يـالـزودك چسـانـي..... بـكـل عمري وزماني
يـالـتـنـغـار لـخـوتـنه... من الوطن طلعتنه
بـسـرار الـجـلالـه...... مـريـوده الـكفاله
روحي على جسوم إخوتي بس تحوم..... بنار المصيبه
مـالـوم گلـبـي ياهلي ظل مالوم..... عج لطبيبه
يـعگوب مـثلي بالحزن ماظل دوم..... ينعى حبيبه
يـوسـف مـن مـغـيـبـه..... رد هـوّد نحيبه
چم يـوسـف مـن إخوتنه.... ومن الوطن طلعتنه
بـاسـرار الـجـلالـه... مـريـوده الـكـفاله
نـظـرة موادع والموادع مايهون..... يصعب علينه
وشـلـون بينه ياهلي بالله شلون..... بساعة سبينه
عـن كـربـله يستر ضعنه يردون..... وإنتم رهينه
مـنـهـو مـنـكـم يـحضر.... للضعن لو سدر
وعـلـى الـسـفـر نـيتنه... من الوطن طلعتنه |
|
