» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر الأديب السيد سعيد الصافي الرميثي - 05/02/2010م - 7:19 م | عدد القراء: 9386



    بـالـعـترة  وصى  المختار.... چانت تسمعه  أصحابه
    راح الـنـبـي وشـوف اشصار ....بالعتره بعد غيابه

    الـيـنـكـر مـحـمد يا بشر من يريد ينكر  وصيته
    كـل  الـمـصـادر أكدت وصى الناس عن أهل بيته
    لـو ردنـا نـسـأل عـالسبب نكروا ليش ليلة  منيته
    راد إلـهـم الـخـيـر الـنبي لمن راح .. رادوا أذيته
    لـلـهـادي  بـغض  الأشرار ....معروفة زين  أسبابه

    حـجـة وداع الـمـصـطـفى و التبليغ عن الولاية
    مـصـدر  سـبـب هـذا الحقد للتكفير چانت بداية
    مـن رفـع إيـد الـمـرتضى داحي الباب سيد البراية
    و الـحـسـد بَيّن و البغض و لـ هاليوم ننطي ضحاية
    ضـد  الـوصـي  حامي الجار.... صارت الأمة  ذيابه

    أول ضـحـيـة فـاطمة خلف الباب كسروا  ضلعها
    بـضـعـة مـحـمـد بـالحزن ليل نهار يجري دمعها
    جـي صـاحـت الـوالي علي صابه الغيض لمن  سمعها
    بـالـمـحسن و كسر الضلع چف ملعون أول فجعها
    لان دمـعـة أم الأطـهـار.... فـوق الوچن  سچابه

    سـنـوا  عـلـى العترة الظلم يوم البيه ظلموا  الزهره
    مـابـيـن سـمـوا چبـدته و المذبوح خلصوا العتره
    وهـذا عـلـي الـهـادي التقي بسامراء هَدِّموا  قبره
    نـفـس  الأشـرار  ابكل زمن موجودين للحقد  زمره
    كُفروا بدين الجبار.... حاربـــــــوا نور كتابه

    سـامـراء  صـورة  فاجعة كل مضمون سر  اعتقادي
    لـلـثـار  كل صبح و مسه بيها يصيح صوت المنادي
    يـمـتـى يـصـيـح المنتظر يا مظلوم يا علي الهادي
    هَـدِّمـوا  قـبرك  و السبب جدك چان بالفضل  بادي
    و  بـيـا وگت راعـي الثار.... ينهض يصفي احسابه

    لـو كـل مـصـيـبة سيدي نقول اتهون يبن  الزچية
    مـانـقـدر  لـيـوم  الحشر ننسى اشصار  بالغاضرية
    جـدك احـسـيـن بـلا ذفـن ثالث يوم چثته رمية
    و عـمِـتـك زينب عالهزل لأرض الشام راحت  سبية
    شِـبـحـت لأخوها الأنظار ....امسلبة اتشوف  ثيابه



    موقع القصائد الولائية © 2004 - 2013