أضف الموضوع
الشاعر نجم الصراف الكاظمي - 11/12/2010م - 12:43 ص | عدد القراء: 12151
فـي فـؤادي كـربـلاء...و ندائي كربلاء
أرد نـاشـد يـا أرض أرض الفداء...كربلاء
و يـا تـراب اعليه بجت دم السماء...كربلاء
و يـا مـديـنه البيها مقبول الدعاء...كربلاء
و لـلـشمس يا تربه تنطيها الضياء...كربلاء
يـا مـصـيبه الزلزلت عرش الجليل...كربلاء
و يـا تـرب فوقاه بجت عين الخليل...كربلاء
و يـا إسم بس ينذكر دمعك يسيل...كربلاء
و يـا أرض بيها إنقطع جف الكفيل...كربلاء
يـا وطـن بـيـه مندفن ثار الإله...كربلاء
و يـا مـكـان الجنه تتباعى بثراه...كربلاء
و يـاى بـلد بيه قدم حسين الفداه...كربلاء
و زيـنـب بيا ديره صاحت وآخاه...كربلاء
يـا نـداء الـتـرتعب منه الطغاة...كربلاء
و مـنه أضحت كعبه تقصدها الأباة...كربلاء
يـا ترب نسجد عليه وكت الصلاة ...كربلاء
وويـن ظـل الـماي حاير بالفلاة ...كربلاء
يـا مـديـنه البيها يضون كوكبين...كربلاء
و يـا ديـار الـتحوي نور المرقدين...كربلاء
وين أبو أبو الأكبر و مقطوع اليدين...كربلاء
ويـن عـابس نادى جنني الحسين .. كربلاء
ابيا ثره سجدت على حسين السيوف...كربلاء
و الـلـي ما يقدر يحج بيمن يطوف...كربلاء
و يـا هتاف المهدي يهتف بالصفوف...كربلاء
و عـن بعد يا كعبه بعيونك تشوف...كربلاء
ابـيا مكان الخيل سحقت عالضلوع...كربلاء
و يا زفاف الدمعه بيه تطفي الشموع...كربلاء
ويـن الأكـبر طاح ما بين الجموع...كربلاء
و يـا شعار اليجمع الدم و الدموع...كربلاء |
|
