كـلام  الـنـاس  يجرحني كلام الناس...تقول حسين ما يرجع و لا  عباس يــزيــنـب  ويـن ...أخـوج حـسـيـن أخـوج  حـسـيـن إجـت أم الـبـنـيـن إبـنار حسرتها...و زينب ناصبه المأتم على  إخوتها قـبـل مـا سـلـمـت يا ييمه نادتها...إخوتج وين ووين حسين  سإلتها تـقـلـهـا  حسين راح و تجري دمعتها...صاحت و الحجر ناح  المصيبتها عله الأحباب إجت أسأل عله الأحباب ...أدق يا باب لو راحوا أدق يا باب أجـيـبـه  مـن إنـين ...أخـوج حـسـيـن أخـوج حـسـيـن إجـت  تـسـأل إجت مهضومه منكسره ...تجاوبها العقيله و بالقلب جمره أخـافـن قـصـروا ويـلادي يـالـحره...تقلها لا ييمه و دمعة  الزهره أخـبـرج  ليش أبو اليمه إنكسر ظهره ...لأن شاف القمر لا يمنه لا  يسره يـقـلـه  إشلون  تتركني يقله إشلون ...أظل إبلا إخو بعدك يليث  الكون نـظـر  جـفـيـن  ...أخـوج  حـسـيـن  أخـوج  حـسـيـن تـقـلـهـا إوداعتج بس عدهم الخوه ...و دفعوا للحسين إنحورهم  فدوه و  أبـو فـاضـل ييمه إبكربله إشسوه ...رغم سبعين ألف طب للنهر  قوه و  قـبـل  جـبـد الطفل هيهات يتروه...ييمه بعد إخوتي الدنيه ما  تسوه يـيـمـه  الـراح  شيرده ييمه الراح...تظل لآخر حياتي بس دمع و  إنياح تــريــد الـعـيـن ...أخـوج حـسـيـن أخـوج حـسـيـن يـيـمـه  حـسـين وحده و آني متحيره ...ألا من ناصرٍ ينده أبو  العتره أشـوف  الـنـاس ضـده و محد ينصره ...بالمثلث رموه و طاح من مهره جـنت يمه و أشوف اللي قطع نحره...شفت خيل العده تسحق على  صدره عسنها  الخيل سحقتني عسنها الخيل...و لا شامت يشاهدني و دموعي  إتسيل بــلايـا  إمـعـيـن ...أخـوج حـسـيـن أخـوج  حـسـيـن آنـه  أم الـبـنـين و من يساعدني...أريده إوياي يبجي و يلطم إعله  إبني قـبـل  يـوم الـمشيب حسين شيبيني...تره سهم العطش بحشاي صوبني أنـا لـحـظـه إبغيابه ما غمض جفني...و أحس السيف قبل حسين ذابحني عـلـى  المذبوح واسيني على المذبوح...تنادي إوياي يحسين إبقلب  مجروح ولا   نـاسـيـن   ...أخـوج   حـسـيـن   أخـوج   حـسـيـن آنـه  أم  الـوفـه و أم الـقـمـر آني...و لا عوف الذي بحسين واساني إذا تـسـأل عـلـيَّـه إتـريـد عـنواني...تلقاني إبضريح حسين  تلقاني لـو يـم الـقـمـر و أتذكر أحزاني...عفت قبري و سكنت إقبور  ولياني أجـيـب الماي و أرويهم أجيب الماي...تجي الزوار للحضره و تنوح  إوياي جــرح جـرحـيـن ...أخـوج حـسـيـن أخـوج  حـسـيـن