يـا  رب لو دعه عبدك إلك وحدك تجيبه يـا  من  رجعت يوسف يا إلهي من  مغيبه رجـعـهـم إلـيـه ...يـا رب  البريه و حـق الـلـي وصل قوسين أو  أقرب و حـق الـلي قلع باب و شطر  مرحب أضـحـي  الأربـعه  و إبدمهم أتخضب و  يـعـود حـسين سالم للوطن يا  رب يـا مـن تـسمع الشكوه أنا أم و غريبه إشـحال الينتظر رجعه و لا يرجع  حبيبه بـالـزهـره الـزجـيه...يا رب  البريه أنـا الـربـيـتـهـم و أتأمل  يكبرون قـلـت وكت المشيب أحبابي ما  ينسون أخـاف امن الحسد كل خوفي  ينحسدون أقـره  الـقـل أعـوذُ لـمـن  إيمرون غـيـبتهم  عليّ  طالت ولا بانت  علامه مـا أدري بـعد صبري يعودون  إبسلامه راوونـي الـمـنـيـه ...يا رب  البريه إفـراق حـسـيـن قبل الشيب  شيبني بـنـيـت  و  فـوق راسي إتهدم المبني يـدق بـابي الهوه و أركض و أقول  إبني و  أصـيـح اهـنـا يا يمه و ما  تجاوبني تـعال و خل أشوفنك و أشمنك و أعاتب يـالـرايح  بعد عينك ولا ظلت  حبايب مـن  يـسـأل عـليه ...يا رب  البريه آنـه  الـوالـده و مـن يـشعر  إبحالي غـيـر  أم  الـغـريـبه الفاجده الوالي روحـي إبـجـالـهـم ترتاح  حسبالي تـالـيـهـا غـريـبه و بيتي ظل خالي لـو  أسمع رجع غايب قلت بلكت  يجوني لـو أيس و اظل أحسب ولا قولن نسوني و  شـيـحـصل بيديه ...يا رب  البريه أمـس مـر طـيـفهم يا ريت ما  شفته جـسـم  فـوق الثره و الخيل  ساحقته بـلا مـا شـوف راسك قلت هذا  إنته يـيـمـه  حـسـين  قلبي ليش  عذبته يـالـجـسمك يقطعونه و أنا بيدي  ألمه و  إخـوانـك أنـاديهم تعالوا إهنا  ييمه أدعـي  إبـكـل مسيه ...يا رب  البريه عـفـت جـسمك ييمه و دمعتي  بالعين قـلـت عباس وينه إشلون عاف  حسين قـبـل  لا شـوف إبني شاهدت  جفين يـخـو زينب صحت حاجيني زينب وين صوبني سهم عينك ردت موتي إويه موتك جـاوبني  يضي عيني أسألك وين إخوتك ويـن أهـل الـحـميه ...يا رب البريه قـمـت  مـرعوبه  يبني و دمعتي  إبعيني و أسـمـع صـوت إبـن حذلم  يناديني سـألـتـه  و قـال عن ولدج  تسأليني نـاديـتـه  إعـله أبو السجاد  حاجيني جـاوبـني  إنقطع نحره بقه جسمه  رهينه راسه  إعله الرمح عالي و تباوع له  الحزينه قـادوهـا  سـبـيـه ...يا رب  البريه بـعـد مـا أنـتظر و أسأل عله  أحبابي ولا  أركـض بـعـد لـلـي يدق بابي يـروحـي  ايـسـت مـتـعود  غيابي و لا هـذا الـجـنـت حاسبته  بحسابي