مـا عـنـدي غير الصبر وين الصبر يبني...لحظة غيابك جرح فقدك  يعذبني نـار نـار غـربـتـي نـار نـار دمـعـتـي ...ويـن الـصـبر  يبني يـا حـبـيبي الأول وكل ذكرياتي ...انت روحي لو رحت خلصت  حياتي يـالـلـي حـرف الحاء بيه تبدأ صلاتي ...كان حلمي تحضر بساعة  وفاتي أم البنين اشكثر تصبر على افراقك ...يبني اشيصبر القلب لو هاجت اشواقك نـار نـار وحـشـتـي نـار نـار دمـعـتـي ...ويـن الـصبر  يبني يـبـنـي  مو بس الدمع جفني بجيته ...اشلون اشوفك والنظر بعدك عميته يـا حـلـم بـيـن الـدمع ميّت لقيته ...ضيّعتني وانهدم كل شي  البنيته اربـع  بـنـيـني إلك وآنا إلك فدوه ...منهم ابوالمرجله عباس ابو النخوه نـار نـار لـهـفـتـي نـار نـار دمـعـتـي ...ويـن الـصبر  يبني ودّعـتـنـي  وعـاشـرت لـيل المصيبه ...ما ينام الليل من فارق  حبيبه يـبـنـي يـحـسين القلب ذاب بلهيبه ...هذا حال امك يبعد امك غريبه أزرع طـريقك ورد واتأمل أخبارك ...نارك ابد ما طفت وسط القلب  نارك نـار نـار نـظـرتـي نـار نـار دمـعـتـي ...ويـن الـصـبر يبني أنـا  ودّعـنـي الـصـبـر من ودعتني ...ما شفت راحه أبد من  فارقتني يـبـنـي نـظـرات الـشماته العذّبتني ...ظهري يالغالي انكسر لمّن عفتني شـيّـبني ليل الهجر ما تقضي حسباته ...سيف و تحز بالنحر يوليدي  لحظاته نـار نـار حـيـرتـي نـار نـار دمـعـتـي ...ويـن الـصـبر يبني يـبـني  حزن  الما تشوفه الناس شفته ...إرجع او شوف اشكثر همّ  الحملته يُـمّـه واطـبـاع الجرح ونّاته سكته ...عمري ماحسبه عُمر لو غايب انته ام  الـدمـع والـحـزن بعدك يسمّوني ...يمته يغايب ترد وتشوفك  اعيوني نـار نـار حـسـرتـي نـار نـار دمـعـتـي ...ويـن الـصبر  يبني يـبـنـي وصّـيت القمر آخر وصيّه ...قت له ما عاش الاخو اليترك أخيّه يـبـنـي حـق اربـاي يـوم الـغـاضريه ...آنا ربّيتك ذخر لبن الزكيه انـطاني  كلمه القمر واتمسّكت بيها ...قال الوعد عالنهر و اجفوفي  أضحّيها نـار نـار رايـتـي نـار نـار دمـعـتـي ...ويـن الـصـبـر  يبني مـا مـشيت اوياك لكن روحي يمك ...يبني لو صابك سهم بيه تشعر  امك مـرّه هـم زيـنـب أحـمله مرّه همّك ...انت يالماي التبدّه اشلون  ألِمّك أنـظـر  عـقـيـلة  علي واشعر مآسيها ...وتقلّي نار الخيم وين اليطفيها نـار نـار خـيـمـتـي نـار نـار دمـعـتـي ...ويـن الـصبر يبني كـان حـلـمـي تـحضر بيوم المنيه ...اتغمّض عيوني وتظل تنحب  عليّه ردتـك  اتـشـيـل النعش يبن الزجيه ...بيدك اتوسّدني لحدي وهاي  هيّه ويـن الـيـشـل النعش واحبابي مو يمّي ...حتى ابوفاتي اظل ابحيرتي  وهمّي نـار نـار ونّـتـي نـار نـار دمـعـتـي ...ويـن الـصـبـر يـبني