سـرك يـالـمـهـدي إبـصبرك...الله يعظم  أجرك حـسـره إبـحـسره...يبن الزهره...الله يعظم أجرك يـالـصـبـرك زاد إعـله الدنيه حيرة الكون  ببلواك يـالـدمـعـك  ما فارق خدك و إهمومك تكبر  وياك الله  إيـعـيـنك يبن الزهره جم آه الشفت من  إعداك تـنـتـطـر وعـدك و العالم مشبوحه إعيونه و يتناك إشـمـا طـولـت بـغيابك...تنزف إجروح إمصابك آه و حـسـره...يـبـن الـزهره...الله يعظم  أجرك بعيونك دمعات و صوره و محنه و قصه و هم و إمصاب حـسـرات أمك ذيج البضعه شنهو الصار إبسد  الباب أدري إشـمـا تـذكر محنتها تتلوه و جرحك ما  طاب و أدري بـقـلبك جمرة ثار هضمه و نخوه و نار إعتاب دمـع الـحـزن بـعـيـونك...و نام السهر بجفونك إشـيـطـفي  الجمره...يبن  الزهره...الله يعظم  أجرك يـمـخضب شيبك بدموعك كل يوم إتعيش إبحسرات و إتـذوب اشـما تذكر أهلك و إتخلص الليل  إبونات تـتـنـطـر وعدك و معذب و مجبور إعله الهم  إتبات كـل  إمصاب إبدمعه إتذكره و ما تطفي النار  الدمعات صـبـرك طـفـح يـالـوالـي...ما باني إلك  التالي بـأمـر  الـقـدره...يـبن الزهره...الله يعظم  أجرك عـندك أم سطروها إبخدها و محسنها إتشوفه اعله  القاع داسـوا عـالـذمه اويه الزهره و المبدأ بالكرسي  إنباع يـبـدون إبضلع المظلومه و باجر بالطف كسر  أضلاع الـيـوم الزهره إتودع حسين باجر زينب عدها  إوداع عـبـاس  إخـوهـا إتـشـوفه...يم الفرات إجفوفه والـي الـحـره ...يـبـن الزهره...الله يعظم  أجرك يـالـعـايـش  هايم  بهمومك و يوميه إتمر إعله  إقبور صـبـحـك  دمعه و ليلك دمعه تذرفها المحنة  عاشور لاويـن  الـيـا  حـق تـتحمل يا جرح الثار المجمور يـالقلب أمك كسرة قلبك من هضم إمصابك  مكسور إيـمـرك حـزن جـم صوره...يا سر الباري و نوره سـيـفـك أمـره ...يـبن الزهره...الله يعظم  أجرك كـل يـوم و نـتطر وعدك و إحسابك مجبل كل  يوم و  إعـيـونـك  تـتـفقد همنه تنظر محنة كل مظلوم كـل  إمـفـارق  يـنطر ملقه و إمتانيك إشج  محروم يـا  سـيـف الشده إحنه الشده إلمن يالغايب  مضموم يـالـتـتـنـظـر  مـطـلاعـه...يمته تحل الساعه و نـوفـي إبـنـذره...يبن الزهره...الله يعظم  أجرك صـابـر الله يـسـاعـد قلبك يا سر الكون و  معناه مـتـحـيـر بجروحك حيره و إتلجمك جم آه و  آه غـايـب يـا فـرحة كل محزن و أجيال إتناطر  ملقاك يـا  سـر آدم و آخـر مرسل يالكل شي إيدر  بيمناك بـإسـمـك الـكون إينادي...يا إبن الرسول  الهادي تـالـي  الـعـتـره ...يبن الزهره...الله يعظم  أجرك