أضف الموضوع
الشاعر السيد سعيد الصافي الرميثي - 18/04/2012م - 10:50 م | عدد القراء: 2615
تـنـشـده إخـتـه إعـلـه كـافـلـها...و إخوها إبحيره شيقلها
إشـيقول و خنقته العبره...يزينب عفته عالغبره...و إخوها إبحيره شيقلها
مـن مـصـرع عـضيده حسين من عّود...رد و لاجن إبيا حال لمن رد
و يـشـوف الـصبح بعيونه ليل أسود...و يا خيمه التصير الردته مقصد
يـروح الـخـيـمـة سـكـيـنـه...تـقـلـه عـمـي جا وينه
أحـلـفك بأمك الزهره...يزينب عفته عالغبره...و إخوها إبحيره شيقلها
و لـن حـسـيـن يـا خـيمه اليطب ليها...تتلقاه إبلوعتها و بواجيها
تـنـشـده إعـله الترك لهفة أمل بيها...يعود من ضماها إبجوده يرويها
إبـوجـلـهـا إمـقـبـعـه إعـيـالـه...إبعطشها إتناشده أطفاله
تـون و بـكل قلب جمره...يزينب عفته عالغبره...و إخوها إبحيره شيقلها
و خـيـمة زينب إبيا وضع يقصدها...و شيقلها و تنشده إعله بن والدها
يـهـود نـوح قـلبه لو يهودها...هوت من شافته و فوق إيده وسدها
و أبـو الـيـمـه يـصـبـرهـا...إعـلـه بـو الـغـيره يجابرها
و جوابه إبلوعه و بحسره...يزينب عفته عالغبره...و إخوها إبحيره شيقلها
تـقـلـه إبلبن أمنه الطاهره أرد أنخاك...تاخذني الجفيلي لو رحت وياك
و خل أنصب مناحة كسر قلبي إهناك...و أقله إقعد يمن جبت الضعن وياك
عـلـيـك أدري إشـكـثـر صـعـبـه...عـفـتني إبديرة الغربه
و عـضـيدك حاير بأمره...يزينب عفته عالغبره...و إخوها إبحيره شيقلها
يـا زيـنـب يـقـلـهـا مـن تقصدينه...حيلج ينهدم لمن تشوفينه
عـيـنـه إمـصـوبه و مقطوعه جفينه...و يختي بونج إصوابه تلجمينه
غـيـور و نـشـمـي عـنـوانـه...و تـهـز الـنـخوه وجدانه
و فـلا يوم البده إبعذره...يزينب عفته عالغبره...و إخوها إبحيره شيقلها
تـقـلـه إعـلـه الـنـهـر يبن أمي دليني...يالمعذور ما تقدر توديني
أريـد أغـسـل إجـفوفه من دمع عيني...و أشم راحاتها البلوفه إتغذيني
و أشـيـط إبـلـهـفـه عـنـايـه ...و أقـبـل مـقـبض الرايه
شـتقلي الرايه عن قدره...يزينب عفته عالغبره...و إخوها إبحيره شيقلها
يـا زيـنب يقلها من أعتذر معذور...وحيد إبلايه ناصر و الظهر مكسور
لـون أقـدر تـعنيت إبقلب مجمور...و آنا إوياج مصرع للشهامه إنزور
و يـم عـبـاس أبـو الـنـخـوه...غـصـنـيـن و عـلـيه نهوه
و نـقبل اليمنه و اليسره...يزينب عفته عالغبره...و إخوها إبحيره شيقلها |
|
