أضف الموضوع
الشاعر علي الخفاجي - 01/05/2012م - 2:59 م | عدد القراء: 2414
حـنـيـن الـولـده إتـعـوض مـكانه ...بنيني يا علي عندك أمانه
وداع الـمـوت اودعكم...تشيعني مدامعكم...بنيني يا علي عندك أمانه
أوصـيـك إبحسن و حسين يا حيدر...يبو الحمله و تسكن يا جرح تقدر
تـجـيـك أم المصايب من بعد تعثر...تشوفك منهضم و إنت أسد خيبر
أوصـيـك إبـخـدر هـاي الـغريبه...بعد ليله تشوف أعظم مصيبه
لـون هـاجت مواجعكم...تشيعني مدامعكم...بنيني يا علي عندك أمانه
هـالـلـيـله الحسن من تسمع اونينه...أريدك يا علي تمسح دمع عينه
سـمـعـتـه إيـصيح عطف الوالده وينه ...ييمه إشلون تمشين و تخلينه
تـشـوف إعـيـونـه ما ينشف دمعها...يودع فاطمه الكسروا ضلعها
صـبـح باجر يصدعكم ...تشيعني مدامعكم...بنيني يا علي عندك أمانه
هـذا حـسـيـن أريد إبقلبك إتضمه ...يسر قلبي أشوفه لو جبل همه
لـو شـفـتـه ينادي إبجلمة اليُمه ...صدق تصبح يحيدر دنيتك ظلمه
يـنـاديـنـي و تـظـل دارج خـلـيه...و أريد إموادعج قبل المنيه
و أنـا إبـيا عين أطالعكم ...تشيعني مدامعكم...بنيني يا علي عندك أمانه
زيـنـب يـا هـضـم بـاجر يمر بيها...ورثها دمعة الزهره و بواجيها
أريـدك كـل مـسيه تعطف إعليها...و أعرفك يا علي إبروحك تخليها
يـتـيـمـه و يـا صـبر يشبه صبرها...و مصيبة كربله إتحير فكرها
حـزن دهـري يضيعكم ...تشيعني مدامعكم...بنيني يا علي عندك أمانه
قـربـت ساعتي و قاموا يودعوني...و شفت كسر الخواطر من ينادونيد
أوصـيـك و دمـعـتي إبطارف إعيوني...و لطيوف الهجر لمن يسلموني
بـنـيـنـك يـا عـلي إبروحي أشتريهم ...ليالي الما تمر مرت عليهم
يـمـن تنخوني و أسمعكم...تشيعني مدامعكم...بنيني يا علي عندك أمانه
صحت يا با الحسن قلبي إنجسم نصين...عفته إينوح ما بين الحسن و حسين
كـلك عاطفه و نخوه و أعرفك زين...أريدك يا علي إتضمهم إبنص العين
و أريـدن زيـنـب إتـضـمها إبدليلك...إذا من المصايب تشتكي لك
صحت للموت أطاوعكم ...تشيعني مدامعكم...بنيني يا علي عندك أمانه |
|
