أضف الموضوع
الشاعر السيد سعيد الصافي الرميثي - 07/05/2012م - 12:06 ص | عدد القراء: 2545
عـمـري قـضـيـتـه بـربـاكـم ...و أنـتـظـر ساعة وفاكم
قـلـبـي تدرون بمرامه ...و آنه أمكم يا نشامه ...و أنتظر ساعة وفاكم
نـاس الـتـدور كـرامتها و فخرها ...ترخص الغالي الأجل عزت قدرها
و تـقـدر أصـحـاب المجد تتبع أثرها ...معبر الدنيه و ربح كلمن عبرها
و الـيـدور عـن خـلـوده ...بـالـسـعـي و يـبـذل جـهوده
و لـلخلود أضحت علامه...و آنه أمكم يا نشامه ...و أنتظر ساعة وفاكم
و بـلـطـف رب الـعرش جلا ثناءه ...من عباده إبرحمته إختص أولياءه
و قـارن أهـل الـمعرفه ببعض أنبياءه ...و جنته للمخلص اليثبت وفاءه
و عـزة الـمـؤمـن ثـبـاتـه ...عـنـده أغـلـه مـن حـيـاته
و تـضحيه إتريد الكرامه...و آنه أمكم يا نشامه ...و أنتظر ساعة وفاكم
و مّن عله إمكم خالق القدره إبرحمته ...و أشرف إبيوت البشر كلها دخلته
بـيـت الـلي اتباهه الملك جان إبخدمته ...بالكرامه إتفسر الحلم الحلمته
و حـلـمـي تـفـسـيـره إبـشـيـمكم ...و بالربه تطلبكم أمكم
وجـهـي يـبّيض بالقيامه...و آنه أمكم يا نشامه ...و أنتظر ساعة وفاكم
هـذا خـوكـم هذا بن سيد البريه ...و هذا بن خير النسه الزهره الزجيه
يـالـلـي وصـاكم علي حامي الحميه ...هذا يوم البيه تنفذون الوصيه
و لـمـن إتـطـيـعـون أخـوكـم ...تـنـحـسب طاعه الأبوكم
و يـخـسر الخالف كلامه ...و آنه أمكم يا نشامه ...و أنتظر ساعة وفاكم
عـن أخـوكـم هـالـخـبر هم سامعينه ...للنجاة إمحبته أوسع سفينه
و لو حده الطف كربله حسين الضعينه ...سيروا ظله العن يساره و عن يمينه
و كـل وكـت خـلـفـه مـشـيـكـم ...و طيعوا لو يامر عليكم
طـاعـته إشراع السلامه ...و آنه أمكم يا نشامه ...و أنتظر ساعة وفاكم
هـذا عـباس القمر هيبة قدركم ...بالدرب صيروا كواكب وي قمركم
نفذوا أمره لو عله الواجب أُمركم ...و آنا لحسين إنذرت عمره و عمركم
و قـلـبـي ويـاكـم أودعـه ...و راسـي بـيـكـم أرد أرفـعه
و مـا أعـن ليلي و انامه ...و آنه أمكم يا نشامه ...و أنتظر ساعة وفاكم
و هـذي زينب يا بو فاضل يبن أبوها ...و الإخت هيبتها من هيبة اخوها
بـالـدرب إنـت و إخـوتـك رافقوها ...و إعله ناقتها النواظر علقوها
شـوفـوا شـتـريـد اشـطـلـبـهـا ...و بـالـدرب أمنوا قلبها
إبـوحشة الليل و ظلامه ...و آنه أمكم يا نشامه ...و أنتظر ساعة وفاكم |
|
