لـيـلى نادت ليش يوليدي عفتني ... آه يبني
وبـسـهم هجرك يالأكبر صوبتني ... آه يبني
مـاحسبت حساب يبني تغيب عني ... آه يبني
راح تـعبي إلي تعبته أو خاب ظني ... آه يبني
او لاتـظـن أعليك يبطل بعد وني ... آه يبني
والـلـيـالـي تدري يبني شيبتني ... آه يبني
يـولدي مد چفك أو نشف دمعتي ... آه يبني
وطـفـي نيران إلي شعلتها حسرتي ... آه يبني
يالوحيد يل خذك من عندي وگتي ... آه يبني
او يل خذت وياك روحي أو لوعتني ... آه يبني
چنت أظنك تچوى وإل آخر أيامي ... آه يبني
وإلف ياحيف الوگت بدد أحلامي ... آه يبني
وتالي أشوفك منذبح والچبد ظامي ... آه يبني
لـيـش يالأكبر عفتني أو دوهنتني ... آه يبني
يـل چنت مثل النفس بالرية أظمك ... آه يبني
حـقـي لو أعتب عليك وأنا أمك ... آه يبني
شلون أشوفك ياعلي سابح بدمك ... آه يبني
كربلة او هاي المصيبة أمنين أجتني ... آه يبني
يـاشباب الماجزى العشرين عمرك ... آه يبني
يـشـبـيه المصطفى وينور بدرك ... آه يبني
وچنـت من أشتاق للهادي انظرك ... آه يبني
بـالـطـفوف شلون تقبل غربتني ... آه يبني |
