أضف الموضوع
الشاعر السيد عبدالخالق المحنّه - 13/01/2013م - 11:46 م | عدد القراء: 3508
كـربـله قبلة ضماير
كـربله صارت أميره
واعـدت لازم أوافي
أوصل و تسمع هتافي
كربله إبروحي أشتريها
و الـقمر حارس عليها
كـربـله شاهد علينه
حـته لو قطعوا إيدينه
قـالـوا اليوصل نمنعه
حـته لو راسي تقطعه
كـربـله أم المواقف
كـربله بيها المصاحف
كـربـله أم الشعائر
يـا حبيب إبنَ مُظاهر
كـربـله بيها القياده
و الوصل ياخذ مراده
ثـبت حسين العقيده
حاكم إيسوي اليريده |
|
كـربـله أم المشاعر
و الـبشر كلها خدمها
كـربله أوصلها حافي
كـربـله إبدمي إسمها
لـو غـبت تلقاني بيها
حـارس و رافع علمها
مـن نجي يوم أربعينه
نوصل التربه و نشمها
لو ذهب لو جف يدفعه
لـو مـتت تلقاني يمها
جـمره بعيون المخالف
مـزقوها و ظل قلمها
و الـدمع ينزل منابر
سجل و إحسب زلمها
مدرسة حب و شهاده
تـربه معروفه إبكرمها
و إحنه خدامه و عبيده
و الـخدم هو إلتزمها |
|
