إن چـان هـذي كـربـلــه ويــن شـيـال الــعــلــم
صـفـيـت نـيـتي الكربلا زاير .. خليت جسمي وجبت قلبي وعشق شاعر
وصـلـيت لاني شبه المايدري البصاير .. كل خطوة ونة أسمعت وبكل كتر حافر
مـو بالكلام بدمعتي أنشدت زوار الحرم .. إن چان هذي كربله وين شيال العلم
عـن الـشـريعة أسئلت وتناشد أعيوني .. وين العقيلة أصرخت يكافل أظعوني
صـيـواني خويه أنهجم قوم أنظر أمتوني .. بظعن السبايا رأحت وبرجعتي شلوني
تسئلني من رد الظعن هاي أطفال وحرم .. إن چان هذي كربله وين شيال العلم
ظـليت أناشد كربلا وكل دمعة بحچاية .. بحالة سكينة من أجت يم عمها شكاية
مـو موج هذا العلقمي يتلاطم بماية .. يلطم على أچفوف الهون من طيحت الراية
فوق الشريعة بالدمة چان مكتوب بسهم .. إن چان هذي كربله وين شيال العلم
مـن الـشـريعة أرجعت وهمومي جدامي .. بدرب الجروح أرجعت تتعثر آلامي
چنـي أسـمعت من كتر ونة طفل ضامي .. أشحال الخذوه يرتوي لمن رجع دامي
بقماطة عبدالله وصرخ لچن بالرمية أنكتم .. إن چان هذي كربله وين شيال العلم
مـن أوصـلـت حـضرته وأعيوني أتشوفة .. فوق المناير شفت رافعهن أچفوفة
ذنـي عـلايـم سـخـي ويرحب أضيوفة .. بعدة بشرف غيرتة المروة موصوفة
قالوا لي عوف أمناشدك هذا نبراس القيم ..إن چان هذي كربله وين شيال العلم |
