تـصرخ  حميده اشعدها ....... راح الأبو من يدها لا تـــنـــتـــظــر والــدهــا * هـذي حـمـيـده الطاهره بت مسلم و  معروفه ودعـهـا  والـدهـا و مشه راح و قصد للكوفه ظـلـت تـنـاطر شوفته ابمهجه و نفس  مشغوفه يـا  مـصـعـب افـراق الأبو تتمنه يوم  اتشوفه مـحـرومـه مـحرومه ....... امن الوالي محرومه ثـقل الصبر ضاهدها ....... و لا من خبر يسعدها لا تـــنـــتـــظــر والــدهــا * مـن  شـد أبـو الـيمه الظعن و اتوجهوا بالمسره فـرحـة حـمـيده ابها الخبر و بها السفر  مبتشره كـالـت  أروح الـوالـدي و اهناك عيني اتنظره و أشـكـي له همي و حيرتي قلبي الجزع من  صبره مـالـومـه مـالـومـه ....... و المهجه مالومه هالطفله جان ابودها ....... اتعيش السعاده ابسدها لا تـــنـــتـــظــر والــدهــا * طـلـعت  حميده اويه الركب و الحادي بيهم  طوح مـن  هـودج  الـعفه بقت صوب الدرب  تتشبح طـفـلـه  و لعلها امن الأبو رجوت وصل  تتلمح مـا  تـعـلم  اشيخفي القدر و شراسم إلها المذبح مـرسـومـه  مـرسومه ....... يا حاله  مرسومه اعـيوني  الحزن ترصدها ....... بالفاجعه  اتواعدها لا تـــنـــتـــظــر والــدهــا * مـا بـيـن مـا بـالـباديه هاي الرواحل  تسعي لـن فـارس إلـهـم يتجه يصيح ابنحيب و  ينعي يـحـسـين إبن عمك كضه و أنعاه إجيت ابدمعي بـالـكوفه  سحبوا  جثته و ما زال صوته  ابسمعي و  ادمـومـه  و ادمـومه ....... تتسافح  ادمومه لـو عـنـده طفله اكصدها ابجف العطف  مسدها لا تـــنـــتـــظــر والــدهــا * مـن قـبـل مـا يـبـدي الـخبر بين الهل يتنقل حـسـت حـمـيده باليتم و الدمعه فتحت منهل قـامـت عـلـه اوجوه الأهل ابنظرة حزن  تتأمل يـا  هـو التشوفه اتناشده عن حال أبوها و  تسأل مـهـمـومـه  مهمومه ....... هالطفله  مهمومه جـم نـايبه اتكابدها ....... هضم الدهر  كايدها لا تـــنـــتـــظــر والــدهــا * سـكـنـه  و رقـيه اتناوحن هالطفله زايد  همهن مـا يـدرن ابـطـف كـربـله هالنايبه  اتيتمهن ايـشـوفـن ابـوهن عالثره عالشاطي جثة  عمهن و  ايـشـوفن الأخوه جثث عالأرض نازف  دمهن مـضـرومـه  مضرومه ....... و الخيم  مضرومه طـفـله  تظل  وحدها ....... بس الصبر  يسندها لا تـــنـــتـــظــر والــدهــا