أضف الموضوع
الشاعر أبو علي الناصري - 05/04/2013م - 2:51 ص | عدد القراء: 3176
عـذبـنـي دمـعي بويه ...عذبني دمعي
إيدي إعله ضلعي بويه... إيدي إعله ضلعي
ظـلـموني يالمختار...ما تدري بيَّ إشصار
إجـيـت إبـدمـعـتـي يا بويه شجايه
و عـلـه إلـسان العتاب إتموت الحجايه
و نـاظـر مـحـنـتـي ذاب إبجمر مايه
و كـتـبـت إمـصابي بكتاب الحزن آيه
قـصـة حـيـاتـي بويه... قصة حياتي
الـمـوعـد وفـاتي بويه... الموعد وفاتي
باب و دموع و نار...ما تدري بيَّ إشصار
مـسـيـل الدمعه فوق إخدودي تاذيني
يـلـجـمـنـي الضلع كلما تهل عيني
الـبـضـعـه يـالـجنت يمهم تسميني
إنـكـسر ضلعي و همل دمعي عله إجنيني
أول ضـحـيـه بـويـه... أول ضحيه
راح إمـن إيـديه بويه ... راح إمن إيديه
و مستعره باب الدار...ما تدري بيَّ إشصار
ذبـل عـود الـصـبر و الفرحه سلبوها
و عـلـه إجـفوف المنيه أحلامي ذبحوها
نـيـاشـيـن الـحـقد عالباب خلوها
فـتـنـه الـكـل زمـن يا بويه رادوها
ذبـحـوا فـرحـتي بويه... ذبحوا فرحتي
و هـلـت دمـعتي بويه... هلت دمعتي
لـبسوا إثياب العار...ما تدري بيَّ إشصار
عـيـنـي الـجانت إتضم صورتك ذكره
سـطـروهـا و غـدت يا والدي حمره
قـوم و شـوف حـالـة فاطمه الزهره
داسـوا عـالـذمـم يـا بويه و العشره
مـنـك وديـعـه بـويه... منك وديعه
آنـا الـشـفـيـعه بويه... آنا الشفيعه
وشـتـنفع الأعذار...ما تدري بيَّ إشصار
يـا هـو الـيـرضه بالضيم العليّ سادي
يـتـامـه إبـيا ذنب راح أترك أولادي
أثـر جـبـريـل بـعـده إبيتي يالهادي
و آذان الـمـسـاجـد بـإسمك إتنادي
دمـعـي إعـله خدي... بويه دمعي إعله
إبـهـالمحنه وحدي ...بويه إبهالمحنه وحدي
أندب يا حامي الجار...ما تدري بيَّ إشصار |
|
