يا شمس الغروب... سلمي عله أحبابي دلالـي مـصيوب ...محد وصل بابي مـثـلـج يرجعون ...كل  اليغيبون يــا شــمــس الــغـروب أنـا  كـلـما أشوفج يا شمس  غبتي أحـس روحي تروح إوياج لو  رحتي أنـا  أم الـبـنين و مثلي هم  شفتي يـجي الليل و يروح و يدري سالفتي أبقه  إعله هالحال... يا شمس  إخبريهم و الـشغلوا البال... بلكت تشوفيهم لازم  تـسـألـون ...كل  اليغيبون يــا شــمــس الــغـروب إشـلـون إيـنام ليله الفاقد  أولاده يـنـام إعله الجرح و المدمع  إوساده يـعـيـن  الله الينوح إقبال  حساده يـكـابر  عالمصاب و صبره ما  فاده مـن  تـسأل الناس ...تتغير  أحوالي و أنـده يـعباس... إرجع لي  يالغالي يـسـوون  العيون  ...كل  اليغيبون يــا شــمــس الــغـروب أنـا يـوم الـجفوني ما شفت  راحه تـسـاوه  الليل عندي ويه  مصباحه إذا  صـاح الجرح من يسمع  إصياحه إذا نـاح الـمـحـب معذور بنياحه الـيـبـقه  بالدار... يتذكر  أحزاني مـن بـعد الأقمار ...ما تطفه  نيراني مـا أدري يـنسون ...كل  اليغيبون يــا شــمــس الــغـروب آنـا أربـع بـنـيني للحسين  أفدي و  أبـو الأكبر يظل هذا المهم  عندي يـظل  حسين إبني و أغله كل  ولدي يـرد  سـالم  و أريده ينزل  إبلحدي للوالده  إحساب...  و إتمنت  إتشوفه و إيـهـيـل إتراب... إعليَّ  بجفوفه كـل  حلمي يوفون ...كل  اليغيبون يــا شــمــس الــغـروب أنـادي  يـا شـمـس وياج وديني إذا شـفـتـي العزيز حسين إخبريني عـلامـج يـا شـمس لونج يأذيني حـصـل  مـكروه إلهم ما  تحاجيني مـن  رفـت  العين... أتذكر إعيونه خوفي  إعله الحسين ...بس لا يذبحونه لازم  يـوصـون ...كـل  اليغيبون يــا شــمــس الــغـروب دقـولـي  يا شمس مو خلص  المدمع دقـولـي إعله الشريعه الكافل إتقطع لـكـن  لا تـقولي حسين ما  يرجع و لا زيـنـب الحره إمن الخيم  تطلع لـو إبـني مذبوح ...علميني  علميني و الـقـلبه مجروح... يحضر يواسيني بـالـهـم  يشعرون...كل  اليغيبون يــا شــمــس الــغـروب أسـألـج يـا شـمـس لمن لقيتيهم و  هـم  أولاد أبـو الحمله  عرفتيهم عـطـاشه و حر ظهر و إنتي  تأذيهم و  لا غـبـتي و نهارج طول  إعليهم الـعـار مـطروح... يتجوه  يتجوه و  النحره مذبوح... ما يطلب  إمروه ظـلـوا يـلوجون ...كل  اليغيبون يــا شــمــس الــغـروب أسـألـج يـا شمس من طلعت الحره عـقـب ما أيست و حسين  عالغبره صدق  شافت  شمر قاعد على  صدره يـحـز نحره الشريف و زينب إتنظره مـن  شافت الصار... وين اليحاميها صـاحت  يكرار... بسما حضر  ليها ظـنـت  يحضرون  ...كل  اليغيبون يــا شــمــس الــغـروب