» احفر نهر يا محجر العين...اروي الخبر عن السجينين  » يا مجير ابلا إجاره...بارك بهاي الزياره  » ليل الغاضرية...شفته بكل مسية  » عالگاع قرآن محبوس...مفروض ينشال عالروس  » صبرك كليم...ويه الرحيم  » بالله نزل النعش يا شّياله  » يا أمير ابن الأمير...سبحه بجفوفك نصير  » ما نعوفك هيهات موسه ابنَ جعفر  » آنا الغريب العل جسر...عدواني خلوني  » إمامي إبساعة المحشر...أندبه إبشدتي يحضر  

  
  • أضف الموضوع


  • الشاعر هيثم سعّودي الكربلائي - 06/11/2013م - 12:33 ص | عدد القراء: 3198



    القلب   ناداك   يا  عباس...إجيت  أنخاك  يا   عباس

    آنا   الزهره   يوليدي   إجيت   و   روحي    ملهوفه
    أدور   عالنصر   إبني   و   فداله  إعيونه  و   إجفوفه
    لقيتك   عالنهر   مرمي  صحت  و  إموعي   مذروفه
    أحس   ضلعي   إنكسر  يمك  يريتك  تقعد   إتشوفه
    إشقطع   يمناك   يوليدي...إشطفه   عيناك    يوليدي

    دمعتي   إبعيني   تتلاهب   صدق   مقطوعه   جفينك
    يريت   إعيوني  مطفيه  و  لا  شوف  إنطفت   عينك
    شلم   منك   وذر   طايح   يمن   ضحيت   بسنينك
    قمر   هاشم   كفو  منك  وفيت  الإبني  و  الدينك
    إحجيت  إوياك  يوليدي  ...مسحت  إدماك  يوليدي

    مسحت    إدماك   بجفوفي   أريدك   تفتح    إعيونك
    و  أنشدك  يا  سند  زينب عليش أصفر صبح  لونك
    جنت    قمريه    تتلاله    قمر    هاشم     يسمونك
    يضي   عيني   إعله   هالحاله   شيقولون   اليشوفونك
    جفت    دنياك   يوليدي...و   لا   أنساك    يوليدي

    فلا    أنساك    يوليدي   أنا   من   شاهدت    أمك
    شفتها   تنحب  الإبني  و  إجيت  آنا  أنتحب   يمك
    أخوك   حسين   خليته   دماه   تجري   مثل    دمك
    عفت نص قلبي يم جسمك و إجيت إبنص قلب يمك
    أخوك    إهناك    يوليدي...مثل    بلواك     يوليدي

    أخوك   اهناك   من   شفته   لقيته  امهشمه   اعظامه
    و  اجيت  وشاهدت  راسك  شفتها  امهشمه   الهامه
    يعباس    لبخيم   تلهب   عفتها   و   ظلت    إيتامه
    و   تقول  إسا  يرد  عمنه  و  علينه  ينصب   اخيامه
    رغم    فرقاك   يوليدي...   بقت   تنخاك    يوليدي

    يبو   فاضل   شقل   لأمك   اذا  سألتني  وين   ابني
    شجاوبها     شأقللها     عليك     امك     دجاوبني
    اذا   اذكر   سهم   عينك   أحسه   ابقلبي    صوبني
    و   اذا   اذكر   قطع   جفك  مثل  سهمك   يعذبني
    و  عمودك  ذاك  يوليدي...  ورفيف  الواك   يوليدي

    يبو   فاضل   وحق   أمك  اظل  ما  انسه   معروفك
    و  اذا  عنك  رحت  يبني  بهذيج  الدنيه  ما   عوفك
    لأشيل  اجفوفك  ابأيدي  و  اخلي  المحشر  ايشوفك
    و   انه   بجفوفك   اشفعلك  يمن  ضحيت   بجفوفك
    الثدي   الرباك   يوليدي...   سعاده  انطاك   يوليدي



    موقع القصائد الولائية © 2004 - 2013