أضف الموضوع
الشاعر السيد سعيد الصافي الرميثي - 13/11/2013م - 11:09 ص | عدد القراء: 2624
ما ننساك اليوم المحشر... ما ننساك
يا مشعل دين الإسلام ...تشهد يحسين الأيام
خدامك نعم الخدام...كلما راوتنه الظلام
نبقه إوياك إشما نتغرب... نبقه إوياك
نقسم بالضلع المصيوب...و الشيب البلدم مخضوب
وبجسمك يحسين المسلوب ...نوصل مقصدنه المطلوب
نتعناك إزحوف إنزورك... نتعناك
خدامك يا بو الأطياب ...يبن الأنزع داحي الباب
يشهد مدمعنه السجاب ...مثل إمصابك ما كو إمصاب
سيل إدماك الما يتعوض ...سيل إدماك
نلهج كل ساعه إبطاريك ...و بوكت الشده نناديك
و اليوم إنريد إنواسيك...إبزينب يحسين إنعزيك
عاهدنك إنظل خدامك ...عاهدناك
نقسم بإسمك يا مظلوم ...بسماك إحنه إنظل إنجوم
يا يوم إنزورك يا يوم...من قبل الموت المحتوم
نترجاك إبهاي الليله ...نترجاك
قالوا عنك يبن الزهره ...أهل الدين و أهل الفكره
كل متعسر يدعي إبفبره ...وشيطلب يتيسر أمره |
|
