من     بين    الصِّواوين    التِوج     نار او  دخّان  الخِنگ صدر السماواتْ  .. ** طلع   صوت   العقيله   ايطر   الاسماع يبويه الحگ علينه "احسينكم" ماتْ .. **... ابغيم    النار    -    جاك     الصوت شـايـل     بـيه     -     ريحــة    مُــوت يا    بو   احسين   -   فات    الفوت ** و  انا  فوگ  الهضيمه  او دهشة  البال صرِت  كهف  او مَـلاذ الفاطميَّاتْ  .. ** تگِظ   طارف  عَباتي  اچفوف   الايتام و  اخافن  لو  تجرها اتطيح اِلعْـباتْ  .. ** طـولي    الچان    -    مــا     ينـشـاف تالي    انشاف    -    ابعين    اجلاف اوصوت    اطفال   -   عمّه    انخاف ** خيمنه   امفرهده  او  من  يجبل   الليل تغطّينه   الثريَّه  او  عالثَّرىٰ  انباتْ   .. ** ننام    ابظيمنه    و    نتمدّد    اجروح او  من  ارمَاد الخيَم نِصنع وساداتْ  .. ** حيـن      النـوم      -       هــالأيـتـــام ترجـف    روع    -    او   ما    تـنلام ابلا     عباس     -    اشلون     تنام ** سهَرت   اعله   الحراسه  ابليلي   ثلثين او  ثلث  للنافله  او  وقت المناجاة .. ** او   لأن   سجّادتي   احترگت   بالخيام گمت أفرش اهمومي او أقره آهاتْ  .. ** و     بـهــالحــال    -    مِنّـي     الــروح اتصلّـي     الليــل     -      عالـمذبـوح وادعي    بصوت   -   بس    مبحوح ** او تصلّي اعيوني [جهراً] فرْض  الدموع لچــن  لـمَّــن  أونّــن ونّــي [إخفاتْ]  .. ** أخاف  ابصوتي  طفله  اتفِـز  من   النوم و أخافن لو صحِت يسمَعني شمَّاتْ  ..